ខេត្តកំពង់ធំ ៖ ដីសម្បទានសេដ្ឋកិច្ច ដែលភាគច្រើនជាប្រភេទដីព្រៃរេចរិលត្រូវបានផ្ទេរឱ្យក្រុមហ៊ុន ចំនួន២៣ដែលមានផ្ទៃដីសរុប១០៦.០៤៦ ហិកតាក្នុងនោះមានក្រុមហ៊ុនមួយចំនួនបានធ្វើការដាំដុះ ហើយបានទទួលផលជាបណ្តើរៗ ក្រុមហ៊ុនមួយចំនួនកំពុងធ្វើការឈូសឆាយកា.ប់ឆ្ការព្រៃដាំដុះ និង
ខេត្តកំពង់ធំ ៖ ដីសម្បទានសេដ្ឋកិច្ច ដែលភាគច្រើនជាប្រភេទដីព្រៃរេចរិលត្រូវបានផ្ទេរឱ្យក្រុមហ៊ុនចំនួន២៣ដែលមានផ្ទៃដីសរុប១០៦.០៤៦ ហិកតាក្នុងនោះមានក្រុមហ៊ុនមួយចំនួនបានធ្វើការដាំដុះ ហើយបានទទួលផលជាបណ្តើរៗ ក្រុមហ៊ុនមួយចំនួនកំពុងធ្វើការឈូសឆាយកាប់ឆ្ការព្រៃដាំដុះ និងក្រុមហ៊ុនមួយចំនួនទៀតមិនទាន់ធ្វើការឈូសឆាយកាប់ឆ្ការព្រៃឈើនៅឡើយទេ។
តាមរបាយការណ៍ស្តីពីវិស័យព្រៃឈើក្នុងខេត្ត (ឆមាសទី១ ឆ្នាំ២០១១) បានឱ្យដឹងថា ក្រុមហ៊ុនទាំង២៣ខាងលើ គឺមានតែក្រុមហ៊ុនចំនួន១៧ប៉ុណ្ណោះដែលបានធ្វើការឈូសឆាយកាប់ឆ្ការព្រៃ និងដាំដុះបានឈើផ្ទៃដីសរុប២៦.៦០៧,១៨ហិកតា ក្នុងនោះមានដាំកៅស៊ូ សរុប២០.២៦៨,៥៤ហិកតា ដាំដើមអាកាស្យា៥.៧១៦,៩៥ ហិកតា ដាំដើមប្រេងខ្យល់៦២១,៧៨ ហិកតា។ ក្នុងចំណោមក្រុមហ៊ុន ដែលបានធ្វើការដាំដុះខាងលើ គឺមានតែក្រុមហ៊ុន២ប៉ុណ្ណោះ ដែលបានធ្វើការដាំដុះចប់ផែនការក្នុងនោះ មានក្រុមហ៊ុនចំការកៅស៊ូទំរីង ទទួលបានដីសម្បទានសេដ្ឋកិច្ច៦.២០០ហិកតា សម្រេចធ្វើការដាំដុះកៅស៊ូបាន៥.៥៥៨,៨១០ និងក្រុមហ៊ុនសាម ម៉េង ទទួលដីសម្បទានសេដ្ឋកិច្ច២២៥ហិកតា សម្រេចធ្វើការដាំដុះកៅស៊ូ២១០ហិកតា ដែលបច្ចុប្បន្នក្រុមហ៊ុនទាំងនេះ បានទទួលផលជាបណ្តើរៗហើយ។
ចំណែកក្រុមហ៊ុនចំនួន១៥ ដែលកំពុងកាប់ឆ្ការព្រៃឈូឆាយដី និងធ្វើការដាំដុះត្រូវបានសមត្ថកិច្ចជំនាញជួយសម្រួលរៀបចំធ្វើសំណុំបែបបទ និងចេញលិខិតឱ្យដឹកជញ្ជូនផលអនុផលព្រៃឈើ ដែលក្រុមហ៊ុនទាំងនោះកាប់ឆ្ការព្រៃបាន។ក្នុងនោះមានឈើចម្រុះសរុប ២.៣០៤,៨២២ ម៉ែត្រគូប ឈើមូលចម្រុះសរុប ៥.៤០៥,២៥៦ម៉ែត្រគូប ក្តារបន្ទះសរុប១.១៧៧,៣៥៥ម៉ែត្រគូប អុសឈើចម្រុះ២៧.២៨៧ ស្ទែរនិងកូន ១.១៧៧,៣៥៥ម៉ែត្រគូប អុសឈើចម្រុះ២៧.២៨៧ ស្ទែរនិងកូនឈើ១.០១៥ដើម។ ជាមួយនេះ ក៏មានក្រុមហ៊ុនចំនួន៦ ដែលទទួលដីសម្បទានសេដ្ឋកិច្ចជាង៣ម៉ឺនហិកតា ពុំទាន់បានធ្វើការឈូសឆាយកាប់ឆ្ការព្រៃនៅឡើយ។ ទន្ទឹមនឹងការផ្តល់ដីសម្បទានសេដ្ឋកិច្ចឱ្យបណ្តាក្រុមហ៊ុនធ្វើការអភិវឌ្ឍន៍ក៏បានលេចឡើងនូវទំនាស់ដីធ្លីជាច្រើនកន្លែង តែត្រូវបានអាជ្ញាធរខេត្ត-ស្រុកសហការជាមួយសមត្ថកិច្ចជំនាញចុះដោះស្រាយសម្របសម្រួល និងទប់ស្កាត់នូវរាល់អំពើហិង្សាកុំឱ្យផ្ទុះឡើង។ ជាក់ស្តែងដូចជាទំនាស់ដីធ្លីរវាងប្រជាពលរដ្ឋ និងក្រុមហ៊ុនតាន់បៀនត្រូវបានអាជ្ញាធរខេត្ត ធ្វើការដោះស្រាយដីសម្បទានសង្គមកិច្ចជូនប្រជាពលរដ្ឋចំនួន៦០១គ្រួសារឱ្យផ្ទេរចេញពីដីរបស់ក្រុមហ៊ុននេះ មកតាំងទីលំនៅក្នុងភូមិថ្មសំលៀង ឃុំក្រយា ស្រុកសន្ទុក បានមួយជំហាន ហើយនិងធ្វើការដោះស្រាយជាបន្តបន្ទាប់ទៀត។
ទន្ទឹមនេះក៏មានអាជ្ញាធរភូមិ-ឃុំមួយចំនួនដែលមានដីសម្បទានសេដ្ឋកិច្ច នៅក្នុងភូមិសាស្ត្រភូមិ-ឃុំរបស់ខ្លួនក៏បានសំណូមពរដល់បណ្តាក្រុមហ៊ុនមួយចំនួន ដែលទទួលបានដីសម្បទានសេដ្ឋកិច្ចហើយពុំទាន់បានធ្វើការដាំដុះនៅឡើយ សូមឱ្យមកធ្វើការដាំដុះឱ្យបានទាន់ពេលវេលា ដើម្បីចៀសវាងពេលប្រជាពលរដ្ឋមកពីខេត្តផ្សេងៗ ឬក្នុងខេត្តឃើញដីនៅទំនេរ ហើយនាំគ្នាមកតាំងទីលំនៅ ឬនាំគ្នាមកធ្វើការដាំដុះដំណាំផ្សេងៗ ស្រាប់តែក្រុមហ៊ុនចោទថា ប្រជាពលរដ្ឋរំលោភលើដីរបស់ខ្លួន ជាហេតុនាំឱ្យជួបបញ្ហាស្មុគ្រស្មាញ និងជួបការលំបាកនៅពេលខាងមុខ៕
ចែករំលែកព័តមាននេះ