ក្រសួងពាណិជ្ជកម្មបានឲ្យដឹងថា ការធ្វើពាណិជ្ជកម្មរវាងកម្ពុជាមួយនឹងប្រទេសវៀតណាម ថៃធ្លាក់ចុះ ប៉ុន្តែទោះជាយ៉ាងណាជាមួយនឹងសិង្ហបុរី ម៉ាឡេស៊ី និងឥណ្ឌូនេស៊ី គឺមានការកើនឡើង ។ ស្ថិតិបានបង្ហាញថា នៅត្រីមាសទីមួយ…
ក្រសួងពាណិជ្ជកម្មបានឲ្យដឹងថា ការធ្វើពាណិជ្ជកម្មរវាងកម្ពុជាមួយនឹងប្រទេសវៀតណាម ថៃធ្លាក់ចុះ ប៉ុន្តែទោះជាយ៉ាងណាជាមួយនឹងសិង្ហបុរី ម៉ាឡេស៊ី និងឥណ្ឌូនេស៊ី គឺមានការកើនឡើង ។
ស្ថិតិបានបង្ហាញថា នៅត្រីមាសទីមួយ ដើមឆ្នាំ២០២៦ ពាណិជ្ជកម្មកម្ពុជាជាមួយវៀតណាម មានទំហំ២.២៦៧ លានដុល្លារធ្លាក់ចុះ៣,១៧ភាគរយ នៅក្នុងនោះការនាំចេញមានទំហំ ១.២៤៤លានដុល្លារធ្លាក់ជិត២ភាគរយ ហើយនាំចូលតម្លៃ១.០២២ លានដុល្លារធ្លាក់ជិត៥ភាគរយ ។
សម្រាប់ថៃវិញ ទំហំពាណិជ្ជកម្មទ្វេរភាគី នៅក្នុងរយៈពេលដដែល មានតម្លៃសរុប៦៩៦លានដុល្លារ ធ្លាក់ចុះ៣៩ភាគរយ នៅក្នុងនោះការនាំចេញមានតម្លៃ១៨១លានដុល្លារធ្លាក់ជិត២៩ភាគរយ និងនាំចូលជិត ៥១៥លានដុល្លារធ្លាក់ជាង៤២ភាគរយ ។
ដោយឡែក ជាមួយនឹងសិង្ហបុរីពាណិជ្ជកម្ម នៅក្នុងអំឡុងពេលដដែល មានតម្លៃជិត១.០៩៥ លានដុល្លារកើនឡើង២៦៨ភាគរយ នៅក្នុងនោះការនាំចេញមានតម្លៃត្រឹមជិត៥៨លាន តែនាំចូលមកវិញ១.០៣៧ លានដុល្លារ កើនឡើងជិត៤៩១ភាគរយ ។
ជញ្ជីងពាណិជ្ជកម្មជាមួយនឹងម៉ាឡេស៊ី មានទំហំសរុប៣៧៣ លានដុល្លារកើនឡើង ៤៩ភាគរយ ដោយការនាំចេញមានតម្លៃ៥៥ លានដុល្លារកើន៤៨ភាគរយ ហើយនាំចូលមកវិញជាង៣១៧លានដុល្លារកើនជាង៤៩ភាគរយ ។ ហើយជាមួយនឹងឥណ្ឌូនេស៊ីទំហំពាណិជ្ជកម្មសរុបមានតម្លៃ៣០១ លានដុល្លារ កើនឡើងជិត៦៣ភាគរយ ដោយការនាំចេញមានតម្លៃត្រឹម២៦លានកើនត្រឹម១៧ភាគរយ ហើយនាំចូលមកវិញ គឺ២៧៥ លានដុល្លារកើនឡើងដល់៦,៥៩ភាគរយ ៕
ចែករំលែកព័តមាននេះ