រាជធានីភ្នំពេញ ៖ សាលារៀនឯកជន ឃីងឃីដ ត្រូវបានអគ្គិភ័យឆាបឆេះបន្ទប់នៅជាន់ទី៤ផ្សែងហុយទ្រលោម បង្កអោយមានការភ្ញាក់ផ្អើលដល់លោកគ្រូអ្នកគ្រូនាំគ្នាជម្លៀសសិស្ស ចេញ និងទាក់ទងហៅរថយន្តពន្លត់អគ្គិភ័យទៅអន្តរាគមន៍។ ហេតុការណ៍បានកើតឡើងនៅវេលាម៉ោង ១២និង២១នាទីថ្ងៃត្រង់…
រាជធានីភ្នំពេញ ៖ សាលារៀនឯកជន ឃីងឃីដ ត្រូវបានអគ្គិភ័យឆាបឆេះបន្ទប់នៅជាន់ទី៤ផ្សែងហុយទ្រលោម បង្កអោយមានការភ្ញាក់ផ្អើលដល់លោកគ្រូអ្នកគ្រូនាំគ្នាជម្លៀសសិស្ស ចេញ និងទាក់ទងហៅរថយន្តពន្លត់អគ្គិភ័យទៅអន្តរាគមន៍។
ហេតុការណ៍បានកើតឡើងនៅវេលាម៉ោង ១២និង២១នាទីថ្ងៃត្រង់ ថ្ងៃទី២៤ ខែមេសា ឆ្នាំ២០២៦ ដែលស្ថិត នៅចំណុច សាលាឯកជន ឃីង ឃីដ តាមផ្លូវ៨១៧ ភូមិឧកញ៉ាវាំង សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
តាមព័ត៌មានបានឲ្យដឹងថា នៅមុនពេលកើតហេតុ ខណៈពេលដែលក្មេងសិស្សសាលាកំពុងនាំគ្នាទៅរៀន ស្រាប់តែភ្លើងបានឆាប់ឆេះបន្ទប់ថ្នាក់រៀន នៅជាន់ទី៤ផ្សែងហុយ ទ្រលោម បង្ក ឲ្យមានការភ្ញាក់ផ្អើលដល់លោកគ្រូអ្នកគ្រូនិងបុគ្គលិកនាំគ្នាជួយជម្លៀសក្មេងៗជាសិស្សចេញ ព្រមទាំងទាក់ទងហៅរថយន្តពន្លត់អគ្គិភ័យទៅអន្តរាមន៍។
តាមនគរបាលការិយាល័យបង្ការ ពន្លត់អគ្គីភ័យនិងសង្គ្រោះនៃស្នងការនគរបាលរាជធានីភ្នំពេញបានឲ្យដឹងថា នៅក្នុងហេតុការណ៍នេះសមត្ថកិច្ចជំនាញបានចេញរថយន្តពន្លត់ អគ្គិភ័យទៅអន្តរាគមន៍បាញ់ពន្លត់ចំនួន ១៣គ្រឿង ប្រេីប្រាស់ទឹកអស់ចំនួន ១០ឡាន ស្មើនឹង ៤០ម៉ែត្រគូបហើយភ្លើងបានរលត់ទៅវិញនៅវេលាម៉ោង១នឹង១០នាទីរសៀល នាថ្ងៃខែ ឆ្នាំដដែល។
តាមនគរបាលបានអោយដឹងទៀតថា អគ្គិភ័យនេះបណ្តាលអោយបន្ទប់ ចំនួន៣បានរងការខូចខាតរួមមាន ម៉ាស៊ីនត្រជាក់ ០១គ្រឿង, កង្ហារចំនួន ០១គ្រឿង នឹងសម្ភារ:ប្រើប្រាស់មួយចំនួនទៀត ហើយពុំបណ្តាលឲ្យឆេះរាលដាលដល់អ្នកក្បែរខាងឡើយ។
តាមនគរបាល បានឲ្យដឹងទៀតថា អគ្គីភ័យនេះបណ្តាល មកពីឆ្លងចរន្តអគ្គិសនី៕
ចែករំលែកព័តមាននេះ