នាងយ៉ានី សេង នៅតែរក្សាបានភាពខ្លាំងរបស់ខ្លួនក្នុងនាមជាកីឡាការិនីលំដាប់កំពូលពិភពលោកបន្ទាប់ពីនាងទទួលបានជោគជ័យទាំងស្រុងនៅក្នុងការប្រកួតការពារជើងឯករបស់ខ្លួនក្របខណ្ឌធំ Women’s British Open ជាមួយនឹងគម្លាតពិន្ទុ៤សត់។ ព្រឹត្តិការណ៍ប្រកួតដែលមានទឹកប្រាក់សរុប២លាន និង៥សែនដុល្លារអាមេរិកនេះ
នាងយ៉ានី សេង នៅតែរក្សាបានភាពខ្លាំងរបស់ខ្លួនក្នុងនាមជាកីឡាការិនីលំដាប់កំពូលពិភពលោកបន្ទាប់ពីនាងទទួលបានជោគជ័យទាំងស្រុងនៅក្នុងការប្រកួតការពារជើងឯករបស់ខ្លួនក្របខណ្ឌធំ Women’s British Open ជាមួយនឹងគម្លាតពិន្ទុ៤សត់។ ព្រឹត្តិការណ៍ប្រកួតដែលមានទឹកប្រាក់សរុប២លាន និង៥សែនដុល្លារអាមេរិកនេះ ត្រូវបានរៀបចំធ្វើនៅទីលានវាយកូនហ្គោល Carnoustie Golf Clubក្រុង Carnoustie ប្រទេសស្កុតលែនកាលពីថ្ងៃអាទិត្យ ទី៣១ កក្កដា កន្លងមកនេះ ។
នាងយ៉ានី សេងវ័យ២២ឆ្នាំឆ្លងកាត់ការប្រកួត៤ជុំធ្វើបានលទ្ធផលសរុប១៦អាន់ឌ័រ ២៧២។ នេះគឺជាពានជើងឯកក្របខណ្ឌធំលើកទី៥របស់កីឡាការិនីតៃវ៉ាន់រូបនេះ។
ចំណែកកីឡាការិនីអាល្លឺម៉ង់ខារ៉ូលីន ម៉ាសសុនដែលបាននាំមុខកាលពីជុំទី៣មកដល់វគ្គផ្តាច់ព្រ័ត្រនេះបានធ្លាក់ទៅចំណាត់ថ្នាក់លេខ៥ស្ទួនវិញជាមួយនឹងកីឡាការិនីស្កុតលែនកាទ្រីយ៉ូណា ម៉ាតទូ។ ឆ្លងកាត់ការប្រកួត៤ជុំពួកនាងទាំង២ធ្វើបានលទ្ធផលសរុប៩អាន់ឌ័រ ២៧៩២សត់តាមពីក្រោយកីឡាការិនីអាមេរិកសូហ្វ៊ី ហ្គាស្តាសុន។ កីឡាការិនីកូរ៉េខាងត្បូងអ៊ីនប៊ី ប៉ាកបញ្ចប់ការប្រកួតធ្វើបានលទ្ធផលសរុប៨អាន់ឌ័រ ២៨០ស្ថិតនៅចំណាត់ថ្នាក់លេខ៧ស្ទួនជាមួយកីឡាការិនីស៊ុយអែត Anna Nordqvistកីឡាការិនីកូរ៉េខាងត្បូងSun Young Yoo,Na Yeon Choi។
កីឡាការិនីអាមេរិកប្រ៊ីតានី ឡាងឆ្លងកាត់ការប្រកួត៤ជុំធ្វើបាន១២អាន់ឌ័រ ២៧៦ស្ថិតនៅចំណាត់ថ្នាក់លេខ២ ។ នាងផូលឡា គ្រីមម័រធ្វើបានលទ្ធផលសរុប១អូវើប៉ា ២៨៩ខណៈនាងប្រ៊ីតានី លីនស៊ីខាំធ្វើបាន១អាន់ឌ័រ ២៨៧ស្ថិតនៅចំណាត់ថ្នាក់លេខ៣០ស្ទួន ។ សម្រាប់នាងយ៉ានី សេងជ័យជម្នះក្នុងពេលនេះពិតជាធ្វើឲ្យនាងសប្បាយរីករាយយ៉ាងខ្លាំង។ នាងបាននិយាយថា៖«ខ្ញុំមានអារម្មណ៍ល្អខ្លាំងណាស់។ នេះជាទីកន្លែងដ៏អស្ចារ្យមួយ។ វាមានលក្ខណៈងាយស្រួលគ្រប់យ៉ាងដែលធ្វើឲ្យខ្ញុំអាចយកឈ្នះពានជើងឯកជាថ្មីម្តងទៀត។ ការចាប់ប្រកួតដំបូងខ្ញុំហាក់ដូចជាភ័យខ្លះៗដែរ ប៉ុន្តែនិយាយជារួមមក ការប្រកួតនៅឆ្នាំនេះគឺល្អច្រើនជាងឆ្នាំទៅមិញ»។
ការដណ្តើមបានពានជើងឯកជាលើកទី២នេះធ្វើឲ្យនាងយ៉ានី សេងទទួលបានទឹកប្រាក់រង្វាន់៣៩២ពាន់និង១៣៣ដុល្លារអាមេរិក ខណៈនាងប្រ៊ីតានី ឡាងចំណាត់ថ្នាក់លេខ២ទទួលបាន២៣១ពាន់និង០៦៥ដុល្លារ។ ក្នុងថ្ងៃជាមួយគ្នានោះដែរនៅប្រទេសអៀរឡង់ឯណោះវិញ កីឡាករអង់គ្លេសស៊ីម៉ុន ដេសុនបានយកឈ្នះពានជើងឯកកម្មវិធី Irish Openដែលបានទឹកប្រាក់រង្វាន់សរុប៣លានដុល្លារ ៕
ចែករំលែកព័តមាននេះ