ឃាត់ខ្លួនវៀតណាម០៦នាក់ រកឃើញសម្ភារបម្រើអោយបទល្មើសមួយចំនួនធំនៅស្រុកចន្ទ្រា
ខេត្តស្វាយរៀង ៖ កាលពីថ្ងៃទី២០ ខែមេសា ឆ្នាំ២០២៦ កម្លាំងនគរបាល នៃអធិការដ្ឋាននគរបាលស្រុកចន្ទ្រា បានទទួលព័ត៌មានពីម្ចាស់ផ្ទះជួលឈ្មោះ ផូ ដេ…
ខេត្តស្វាយរៀង ៖ កាលពីថ្ងៃទី២០ ខែមេសា ឆ្នាំ២០២៦ កម្លាំងនគរបាល នៃអធិការដ្ឋាននគរបាលស្រុកចន្ទ្រា បានទទួលព័ត៌មានពីម្ចាស់ផ្ទះជួលឈ្មោះ ផូ ដេ ស្ថិតនៅភូមិចេក ឃុំសំរោង ស្រុកចន្ទ្រា រួចមក លោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្ត បានដាក់បទបញ្ជាដ៏ម៉ឺងម៉ាត់ ដល់លោកវរសេនីយ៍ទោ ជិន សុភឿន អធិការនគរបាលស្រុកចន្ទ្រា ដឹកនាំកម្លាំងជំនាញស្រុក សហការជាមួយកម្លាំងគណៈបញ្ជាការឯកភាពរដ្ឋបាលស្រុក និងដោយមានការសម្របសម្រួលពីព្រះរាជអាជ្ញារងអមសាលាដំបូងខេត្ត បានចុះធ្វើរដ្ឋបាល និងត្រួតពិនិត្យទីតាំងខាងលើ រកឃើញមានសម្ភារបម្រើអោយបទល្មើសមួយចំនួនធំ និងបានឃាត់ខ្លួនជនបរទេសចំនួន ០៦នាក់ ប្រុស (ជនជាតិវៀតណាម) ។
បច្ចុប្បន្ន ជនសង្ស័យ រួមទាំងវត្ថុតាង ត្រូវបានសមត្ថកិច្ចជំនាញ កំពុងកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមនីតិវិធីច្បាប់ ៕
ចែករំលែកព័តមាននេះ