រាជធានីភ្នំពេញ ៖ បុរសជាជាងពីដានម្នាក់ បានធ្វើអត្តឃាត ដោយអារក កដៃ កជើង នឹងដាវច្នៃ សម្លាប់ខ្លួននៅក្នុងបន្ទប់ទឹក ត្រូវបានមិត្តភក្កិនាំគ្នាគាស់ទ្វារទាក់ទងហៅរថយន្តបញ្ជូនទៅសង្គ្រោះនៅមន្ទីរពេទ្យមិត្តភាពកម្ពុជា-ចិន…
រាជធានីភ្នំពេញ ៖ បុរសជាជាងពីដានម្នាក់ បានធ្វើអត្តឃាត ដោយអារក កដៃ កជើង នឹងដាវច្នៃ សម្លាប់ខ្លួននៅក្នុងបន្ទប់ទឹក ត្រូវបានមិត្តភក្កិនាំគ្នាគាស់ទ្វារទាក់ទងហៅរថយន្តបញ្ជូនទៅសង្គ្រោះនៅមន្ទីរពេទ្យមិត្តភាពកម្ពុជា-ចិន ព្រះកុសមៈ ។
ហេតុការណ៍នេះ បង្កឲ្យមានការភ្ញាក់ផ្អើលកាលពីវេលាម៉ោង០១និង៣០នាទីរសៀលថ្ងៃទី២១ ខែមេសា ឆ្នាំ២០២៦ នៅចំណុចបន្ទប់ជួល លេខ៨ ភូមិគោកឃ្លាង សង្កាត់គោកឃ្លាង ខណ្ឌសែនសុខ រាជធានីភ្នំពេញ ។
បុរសដែលគិតខ្លីមានឈ្មោះ នង ទី អាយុ២៦ឆ្នាំ ជាជាងពិដាន មានអាសយដ្ឋាន នៅភូមិខ្លាលោត ឃុំកំពង់ត្រាច ស្រុករមាសហែក ខេត្តស្វាយរៀង និងស្នាក់នៅកន្លែងកើតហេតុខាងលើ ។
តាមមិត្តភក្កិជនរងគ្រោះ បានប្រាប់ឱ្យដឹងថា នៅវេលាម៉ោង១១និង៣០នាទី ខ្លួនបានចាកចេញពីបន្ទប់ជួល ទៅហូបបាយនៅសល់តែជនរងគ្រោះម្នាក់ឯង។ នៅពេលបាយរួច ក៏ត្រឡប់មកវិញ គោះទ្វារហៅមិត្តភក្កិ តែពុំឮឆ្លើយ ពុំបានចាប់អារម្មណ៍ ក៏ទៅអង្គុយលេងហ្គេមនៅក្នុងទូរសព្ទនៅក្រោមដើមក្រខុប ក្បែរផ្ទះ ។ លុះក្រោយមក ក៏ត្រឡប់មកវិញ គោះទ្វារម្ដងទៀត ហើយពុំឮឆ្លើយ ក៏មានការសង្ស័យ និងប្រាប់អ្នកជិតខាងនាំគ្នាគាស់ទ្វារ ស្រាប់តែឃើញមិត្តភក្កិរបស់ខ្លួនដេកក្នុងថ្លុកឈាម នៅក្នុងបន្ទប់ទឹក ដោយមានស្នាមអារកដៃ កជើង និងអារកខ្លួនឯង នឹងដាវច្នៃ សម្លាប់ខ្លួន ។
ភ្លាមៗ ក៏បានរាយការណ៍ទៅសមត្ថកិច្ចទាក់ទងហៅរថយន្តសាមុយរបស់មន្ទីរពេទ្យបង្អែកសែនសុខ បញ្ជូនទៅសង្គ្រោះនៅមន្ទីរពេទ្យមិត្តភាពកម្ពុជា-ចិន ព្រះកុសុមៈ ហៅទេព្យលោកសង្ឃ ដើម្បីសង្គ្រោះ ។
ទាក់ទិនការធ្វើអត្ថភាពនេះ គេពុំទាន់ដឹងពីមូលហេតុអ្វីឡើយ។ តាមព័ត៌មានខ្លះ គេមានការសង្ស័យបណ្ដាមកពីញៀនថ្នាំ និងខ្លះទៀតថា បណ្ដាលមកពីមានវិបត្តិស្នេហា ។ ទោះបីជាយ៉ាងណា មានតែជនរងគ្រោះដឹងខ្លួនវិញនោះទេ ទើបដឹងថា មានវិបត្តិអ្វីពិតប្រាកដ ៕
ចែករំលែកព័តមាននេះ