រាជធានីភ្នំពេញ ៖ បុរសម្នាក់ដែលគំរា.មរកវា.យទៅលើជនបរទេសម្នាក់ នៅក្បែររបងវត្តឧណ្ណាលោម ដែលផ្សព្វផ្សាយក្នុងបណ្ដាញសង្គម គឺជាជនអនាថា គ្មានទីលំនៅពិតប្រាកដ សមត្ថកិច្ចកំពុងស្រាវជ្រាវយកមកសួរនាំ ។ នេះបើយោងតាមផេក…
រាជធានីភ្នំពេញ ៖ បុរសម្នាក់ដែលគំរា.មរកវា.យទៅលើជនបរទេសម្នាក់ នៅក្បែររបងវត្តឧណ្ណាលោម ដែលផ្សព្វផ្សាយក្នុងបណ្ដាញសង្គម គឺជាជនអនាថា គ្មានទីលំនៅពិតប្រាកដ សមត្ថកិច្ចកំពុងស្រាវជ្រាវយកមកសួរនាំ ។ នេះបើយោងតាមផេក ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញបានប្រកាសនាយប់ថ្ងៃទី១៩ ខែមេសានេះ ។
ក្រោយមានការផ្សព្វផ្សាយតាមបណ្ដាញសង្គមជាសាធារណៈ មានបុរសម្នាក់បានប្រើសម្ដីមិនសមរម្យ និងគំរា.មរកវា.យទៅលើជនបរទេសម្នាក់ ជាអ្នកទេសចរ ខណៈជនបរទេសនោះlive រូបភាពវីដេអូ ហើយគាត់គ្រាន់និយាយសួរនាំសុខទុកធម្មតាទៅលើបុរសម្នាក់មិនស្គាល់អត្តសញ្ញាណ នៅក្បែររបងវត្តឧណ្ណាលោម ដោយរូបភាពនេះ ត្រូវបានជនបរទេសនោះយកផ្សព្វផ្សាយនៅក្នុងបណ្តាញសង្គម ។
នាព្រឹកថ្ងៃទី១៩ ខែមេសា ឆ្នាំ២០២៦ ត្រូវបាននគរបាលខណ្ឌដូនពេញ ចុះធ្វើការស្រាវជ្រាវបន្ទាន់ និងបានសាកសួរបងប្អូនប្រជាពលរដ្ឋ និងអ្នករត់ម៉ូតូកង់បី នៅក្បែរទីតាំង កើតហេតុផងដែរ ។
ហេតុការណ៍នេះ បានកើតឡើងកាលពីថ្ងៃទី៩ ខែមេសា ឆ្នាំ២០២៦ មកម្លេះ ស្ថិតនៅក្បែររបងវត្តឧណ្ណាលោម នៅមូលដ្ឋានសង្កាត់ជ័យជំនះ ខណ្ឌដូនពេញ រាជធានីភ្នំពេញ។
បច្ចុប្បន្នអនុវត្តតាមបទបញ្ជាផ្ទាល់ពីឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ កម្លាំងនគរបាលជំនាញព្រហ្មទណ្ឌ រួមជាមួយកម្លាំងនគរបាលប៉ុស្តិ៍រដ្ឋបាលជ័យជំនះ ចុះទៅដល់ទីតាំងកើតហេតុ បានធ្វើការស្រាវជ្រាវបុរសដែលឈ្លោះ និងរកវាយទៅលើជនបរទេស ជាជនអនាថា គ្មានទីលំនៅច្បាស់លាស់ ដើរគ្រប់ទីកន្លែង និងដេកតាមទីសាធារណៈ ។
កាលពីថ្ងៃកើតហេតុ មានសប្បុរសជន មកចែកអំណោយ ដល់អ្នកធាក់ស៊ីក្លូ ហើយជននោះ ក៏បាននៅជិតទីនោះសុំអំណោយដែរ ហើយស្រាប់តែមានជនបរទេសដើរមក live វីដេអូ និយាយទៅកាន់បុរសនោះក្នុងគោលបំណងល្អ តែបុរសនោះបានប្រើពាក្យសំដីមិនសមរម្យនិងគំរា.មរកវាយទៅលើជនបរទេសថា កុំlive ។ ករណីនេះកម្លាំងនគរបាល និងបន្តស្រាវជ្រាវរកបុរសនោះនាំមកសួរនាំ ដើម្បីអនុវត្តតាមជំនាញ ៕
ចែករំលែកព័តមាននេះ