រាជធានីភ្នំពេញ ៖ លោក ទិតសុទ្ធី បូរ៉ាឆាត ចៅក្រមស៊ើបសួរសា លាដំបូងរាជធានីភ្នំពេញ កាលពីថ្ងៃទី១៧ ខែមេសា ឆ្នាំ២០២៦…
រាជធានីភ្នំពេញ ៖ លោក ទិតសុទ្ធី បូរ៉ាឆាត ចៅក្រមស៊ើបសួរសា លាដំបូងរាជធានីភ្នំពេញ កាលពីថ្ងៃទី១៧ ខែមេសា ឆ្នាំ២០២៦ បានចេញដីកាបង្គាប់ឲ្យឃុំខ្លួនជនសង្ស័យជាឃាតករធ្វើសកម្មភា ពបាញ់សម្លាប់ស្ត្រីម្នាក់នៅហាង អ៊ុតសក់ “តូបសាឡន”ផ្សារទួល ពង្រ សង្កាត់ចោមចៅ១ ខណ្ឌសែនជ័យ ដាក់ពន្ធនាគារជាបណ្តោះអាសន្ន ក្រោមការចោទប្រកាន់ពីបទ.ឃាតកម្មគិតទុកជា មុន (អាវុធខ្លីបាញ់ និងវាយក្បាល) និងប្រើប្រាស់អាវុធដោយគ្មានការអនុញ្ញាត ប្រព្រឹត្តកាលពីថ្ងៃទី១២ ខែមេសា ឆ្នាំ២០២៦ បទ ល្មើសដែលបញ្ញត្តិឲ្យផ្តន្ទាទោសតាមមាត្រា ២០០ និងមាត្រា ៤៩ ០ នៃក្រមព្រហ្មទណ្ឌ ។
យោងតាមការចោទប្រកាន់លើបទល្មើស ឃាតកម្មគិតទុកជាមុន មាត្រា ២០០ ៖ គឺជាអំពើសម្លាប់មនុស្សដោយគិតទុកជាមុន ឬដោយការពួនស្ទាក់ ។ ការគិតទុកជាមុន គឺជាគម្រោងដែលបង្កើតឡើងមុនអំពើបៀតបៀនទៅលើរូបបុគ្គលនៃជនរងគ្រោះ ។ ការពួនស្ទាក់ គឺជាអំពើឃ្លាំចាំបុគ្គលណាម្នាក់ ក្នុងរយៈពេលមួយរយៈ ដើម្បីប្រព្រឹត្តអំពើបៀតបៀនទៅលើរូបបុគ្គលជនរងគ្រោះ ។ ឃាតកម្មគិតទុកជាមុន ត្រូវផ្តន្ទាទោសលើជនជាប់ចោទ ដាក់ពន្ធនាគារអស់មួយជីវិត ។ ចំណែកមាត្រា ៤៩០ កាន់កាប់ និងប្រើប្រាស់អាវុធដោយគ្មានការអនុញ្ញាត ត្រូវផ្តនទាទោសដាក់ពន្ធនាគារពី ៦ ខែ ទៅ ៣ ឆ្នាំ និងពិន័យជាប្រាក់ពី ១ លាន ទៅ ៦ លានរៀល ។
សូមជម្រាបថា ដោយអនុវត្តតាមបទបញ្ជាផ្ទាល់ពីឯកឧត្តម ឧត្តម សេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ លោកឧត្តមសេនីយ៍ត្រី ប៊ុន សត្យា ស្នងការរង ផែនការងារនគរបាលព្រហ្មទណ្ឌ លោកឧត្តមសេនីយ៍ទោ លី ប៊ុនអេង ស្នងការរង ទទួលដឹកនាំការិយាល័យនគរបាលព្រហ្មទណ្ឌកម្រិតស្រាល លោកឧត្តមសេនីយ៍ទោ ញ៉ុង រស់មេត្តា ស្នងការរងទទួលដឹកនាំការិយាល័យនគរបាលព្រហ្មទណ្ឌកម្រិតធ្ងន់ បានដឹកនាំកម្លាំងជំនាញព្រហ្មទណ្ឌ និងកម្លាំងអធិការដ្ឋាននគរបាលខណ្ឌពោធិ៍សែនជ័យ សហការជាមួយកម្លាំងស្នងការដ្ឋាននគរបា លខេត្តកំពង់ចាម បានធ្វើការស្រាវជ្រាវ ឃាត់ខ្លួនជនសង្ស័យចំនួ ន១នាក់ ពាក់ព័ន្ធករណីឃាតកម្មគិតទុកជាមុននៅចំណុចហាង អ៊ុតសក់មួយកន្លែង ផ្សារទួលពង្រ សង្កាត់ចោមចៅ១ ខណ្ឌពោធិ៍សែនជ័យ កាលពីថ្ងៃទី១២ ខែមេសា ឆ្នាំ២០២៦ ។
ជនសង្ស័យឈ្មោះ ធួក ជី ហៅអាជី ភេទប្រុស អាយុ៣៩ ឆ្នាំ រស់នៅបន្ទប់ជួលលេខ១៥២ ស្ថិតនៅភូមិត្រពាំងថ្លឹង៣ សង្កាត់ចោមចៅទី១ ខណ្ឌពោធិ៍សែនជ័យ ត្រូវបានឃាត់ខ្លួននៅត្រង់ចំណុចក្នុងព្រៃ ភូមិត្រើង ឃុំមៀន ស្រុកព្រៃឈរ ខេត្តកំពង់ចាម កាលពីថ្ងៃទី១៥ ខែមេសា ឆ្នាំ២២៦ ។
ការឃាត់ខ្លួនជនសង្ស័យគឺជាប់ពាក់ពន្ធអំពើឃាតកម្ម ចូលបាញ់សម្លាប់ជនរងគ្រោះជនរង គ្រោះឈ្មោះ ជុន តឿ ភេទស្រី អាយុ២២ ឆ្នាំ នៅក្នុងហាង អ៊ុត សក់ ផ្សារទួលពង្រ សង្កាត់ចោមចៅ១ ខណ្ឌពោធិសែនជ័យ រាជធានីភ្នំពេញ ខណៈការបាញ់ប្រហារភ្លាមនោះជនសង្ស័យជាឃាតករ បានរត់គេចខ្លួនចេញពីកន្លែងកើតហេតុប៉ុន្តែ៣ថ្ងៃក្រោយ មក សមត្តកិច្ចក៏តាមចាប់ខ្លួនមកវិញដល់ខេត្តកំពង់ចាម ។
សូមជម្រាបទៀតថា ជនសង្ស័យនិងរងគ្រោះអតីតជាប្តីប្រពន្ធ តែបានបែកបាក់គ្នារយៈពេលជាង១ខែ ដោយមូលហេតុពួកគេរស់ នៅមិនចុះសម្រុងនឹងគ្នា ទើបបុរសអតីតជាប្តីកើតមានគុំនុំចងអា ឃាត ចូលបាញ់សម្លាប់អតីតប្រពន្ធដល់ក្នុងហាងធ្វើសាឡន តែម្តង ៕
ចែករំលែកព័តមាននេះ