រាជធានីភ្នំពេញ ៖ នគរបាលផ្នែកព្រហ្មទណ្ឌនៃអធិការដ្ឋាននគរបាលខណ្ឌដូនពេញបាន ចាប់ជនសង្ស័យជួញដូរគ្រឿងញៀ.នម្នាក់កាលពីវេលាម៉ោង១១ព្រឹកថ្ងៃទី៣០ កក្កដា នៅមុខក្រុមហ៊ុនម៉ូតូហុងដាលើកំណាត់មហាវិថីព្រះ មុនីវង្សស្ថិតក្នុងភូមិទី៩ សង្កាត់ស្រះចក ខណ្ឌដូនពេញ ខណៈ
រាជធានីភ្នំពេញ ៖ នគរបាលផ្នែកព្រហ្មទណ្ឌនៃអធិការដ្ឋាននគរបាលខណ្ឌដូនពេញបានចាប់ជនសង្ស័យជួញដូរគ្រឿងញៀនម្នាក់កាលពីវេលាម៉ោង១១ព្រឹកថ្ងៃទី៣០ កក្កដា នៅមុខក្រុមហ៊ុនម៉ូតូហុងដាលើកំណាត់មហាវិថីព្រះមុនីវង្សស្ថិតក្នុងភូមិទី៩ សង្កាត់ស្រះចក ខណ្ឌដូនពេញ ខណៈពេលជននោះអង្គុយលើម៉ូតូ ។
តាមព័ត៌មានពីមន្ត្រីសមត្ថកិច្ចបានឱ្យដឹងថា ជនសង្ស័យជួញដូរគ្រឿងញៀនដែលឃាត់ខ្លួននោះមានឈ្មោះលឹម ណារិន ភេទប្រុស អាយុ៣៣ឆ្នាំ ស្នាក់នៅផ្ទះជួល សង្កាត់បឹងត្របែក ខណ្ឌចំការមន ។ យោងតាមរបាយការណ៍របស់នគរបាលផ្នែកព្រហ្មទណ្ឌខណ្ឌដូនពេញបានឱ្យដឹងថា កម្លាំងនគរបាលខណ្ឌដូនពេញបានទទួលព័ត៌មានថា មានជនសង្ស័យជួញដូរគ្រឿងញៀននៅចំណុចមុខក្រុមហ៊ុនម៉ូតូហុងដា លើកំណាត់មហាវិថីព្រះមុនីវង្សស្ថិតក្នុងសង្កាត់ស្រះចក ខណ្ឌដូនពេញ។ លុះពេលនគរបាលជំនាញមកដល់ចំណុចខាងលើស្រាប់តែឃើញបុរសម្នាក់អង្គុយលើម៉ូតូម៉ាកមីអូ ពណ៌ផ្កាឈូក ពាក់ស្លាកលេខភ្នំពេញ១H-៥៣២២ ហើយបានធ្វើការឆែកឆេរនៅលើខ្លួនជននោះរកឃើញថ្នាំញៀនប្រភេទម៉ាទឹកកកចំនួន២៥កញ្ចប់តូច ។
នៅចំណុចមុខសមត្ថកិច្ចជនសង្ស័យបានសារភាពថា ថ្នាំញៀនដែលសមត្ថកិច្ចចាប់បាន នោះគឺរូបគេទិញនៅម្តុំបឹងត្របែក ខណ្ឌចំការមន ក្នុងមួយកញ្ចប់តម្លៃ៨.០០០រៀលលក់ចេញ១ម៉ឺនរៀល ជនសង្ស័យត្រូវបានឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌដូនពេញ៕
ចែករំលែកព័តមាននេះ