រាជធានីភ្នំពេញ ៖ យោងតាមប្រភពព័ត៌មានបឋម មានហេតុការណ៍ភ្ញាក់ផ្អើលមួយបានកើតឡើងកាលពីវេលាម៉ោងជាង៣រសៀលថ្ងៃទី១២ ខែមេសា ឆ្នាំ២០២៦ ខណៈដែលស្ត្រីម្នាក់ត្រូវបានខ្មាន់កាំភ្លើងបាញ់សម្លាប់នៅក្នុងហាងកាត់សក់មួយកន្លែង ស្ថិតនៅក្នុងភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ…
រាជធានីភ្នំពេញ ៖ យោងតាមប្រភពព័ត៌មានបឋម មានហេតុការណ៍ភ្ញាក់ផ្អើលមួយបានកើតឡើងកាលពីវេលាម៉ោងជាង៣រសៀលថ្ងៃទី១២ ខែមេសា ឆ្នាំ២០២៦ ខណៈដែលស្ត្រីម្នាក់ត្រូវបានខ្មាន់កាំភ្លើងបាញ់សម្លាប់នៅក្នុងហាងកាត់សក់មួយកន្លែង ស្ថិតនៅក្នុងភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ បណ្ដាលឲ្យរងរបួសធ្ងន់ធ្ងរដួលដេកក្នុងថ្លុកឈាម។
ស្ត្រីរងគ្រោះខាងលើ មិនទាន់ត្រូវបានស្គាល់អត្តសញ្ញាណនៅឡើយទេ ដោយប្រភពខ្លះបានអះអាងថា នាងគឺជាជាងសាឡន ហើយឃាតករគឺជាប្ដីស្ត្រីរងគ្រោះ ប៉ុន្តែនៅពុំទាន់ដឹងថា អំពើឃាតកម្មមួយនេះ ផ្ដើមចេញពីភ្លើងប្រចណ្ឌ រវាងប្ដីប្រពន្ធ ឬក៏ភ្លើងគំនុំជាមួយអ្នកដទៃ ឬក៏មូលហេតុអ្វីផ្សេងទៀត ក្រៅពីនេះទៀតនៅឡើយទេ ។
ក្រោយពេលកើតហេតុ ឃាតករបានគេចខ្លួនបាត់ដោយសុវត្ថិភាព បន្ទាប់មក ប្រជាពលរដ្ឋបានរាយការណ៍ជូនសមត្ថកិច្ចមូលដ្ឋានខណ្ឌពោធិ៍សែនជ័យ ឲ្យចុះទៅពិនិត្យជាក់ស្ដែង និងហៅរថយន្តពេទ្យដឹកយកជនរងគ្រោះទៅសង្គ្រោះ ។ ព្រមទាំងធ្វើការស្រាវជ្រាវស្វែងរកឃាតករ ដើម្បីឃាត់ខ្លួនចាត់ការតាមច្បាប់ ហើយប្រសិនបើមានព័ត៌មានលម្អិតអំពីហេតុការណ៍ខាងលើនោះ កោះសន្តិភាពនឹងផ្សាយជូនបន្តទៀតនៅពេលក្រោយ ៕
ចែករំលែកព័តមាននេះ