ADផ្ទាំងផ្សព្វផ្សាយពាណិជ្ជកម្ម

Picture

សម្តេចម៉ែ ថ្វាយព្រះពរ​ព្រះមហាក្សត្រ​ក្នុង​ឱកាស​​បុណ្យចូលឆ្នាំ​ថ្មី​ទទួល​បាន​នូវ​មហា​ជោគ​ជ័យ​ជា​បន្ត​ទៀត​ក្នុង​ព្រះរាជ​បេសកកម្ម​ដ៏​ឧត្តុង្គឧត្តម​​ជា​ប្រវត្តិសាស្ត្រ

8 ម៉ោង មុន
  • ភ្នំពេញ

រាជធានី​ភ្នំពេញ​ ៖ សម្តេចម៉ែ​បាន​ថ្វាយព្រះពរ​ព្រះករុណា ព្រះបាទ​សម្តេច ព្រះ​បរមនាថ នរោត្តម សីហ​មុនី​ ព្រះមហាក្សត្រ​នៃ​ព្រះរាជាណាចក្រកម្ពុជា ទទួល​បាន​នូវ​មហា​ជោគជ័យ​ជា​បន្ត​ទៀត​ក្នុង​ព្រះរាជ​បេសកកម្ម​ដ៏​ឧត្តុង្គឧត្តម​ជា​ប្រវត្តិសាស្ត្រ​ ។…

រាជធានី​ភ្នំពេញ​ ៖ សម្តេចម៉ែ​បាន​ថ្វាយព្រះពរ​ព្រះករុណា ព្រះបាទ​សម្តេច ព្រះ​បរមនាថ នរោត្តម សីហ​មុនី​ ព្រះមហាក្សត្រ​នៃ​ព្រះរាជាណាចក្រកម្ពុជា ទទួល​បាន​នូវ​មហា​ជោគជ័យ​ជា​បន្ត​ទៀត​ក្នុង​ព្រះរាជ​បេសកកម្ម​ដ៏​ឧត្តុង្គឧត្តម​ជា​ប្រវត្តិសាស្ត្រ​ ។

ព្រះរាជ​សារ​សម្តេចម៉ែ​មាន​ព្រះរាជ​បន្ទូល​ថា ​ព្រះរាជបុត្រ ជាទី​ស្រឡាញ់​ដ៏​ជ្រាល​ជ្រៅ​ជាទី​បំផុត​ស្មើ​ជីវិត​នៃ​ម៉ា​ម៉​ង់ ​។ ម៉ា​ម៉​ង់ មាន​សេចក្តី​សោមនស្ស​រីករាយ​ជាទី​បំផុត ចំពោះ​ព្រះរាជ​សារ​ថ្វាយ​ពរ និង​ផ្កា​ដ៏​ធំ​ល្អ​ស្រស់ ពី​ព្រះរាជបុត្រ នៅ​ក្នុង​ព្រះរាជ​វរោកាស​ដ៏​មហាប្រសើរ​ឧត្តុង្គឧត្តម​នៃ​ព្រះ​រាជ​ពិធី​បុណ្យចូលឆ្នាំ​ថ្មី ប្រពៃណី​ជាតិខ្មែរ ឆ្នាំមមី អដ្ឋស័ក ព​.​ស​.២៥៧០ គ​.​ស​.២០២៦ ។

ម៉ា​ម៉​ង សូម​សំដែង​នូវ​អំណរ​គុណ​ដ៏​ជ្រាលជ្រៅ​ ចំពោះ​សព្ទសាធុការពរ​ជ័យ​ដ៏​ល្អ​បវរ រាជបុត្រ ទទួល​​បាន​នូវ​មហា​ជោគជ័យ​ជា​បន្ត​ទៀត​ ក្នុង​ព្រះរាជ​បេសកកម្ម​ដ៏​ឧត្តុង្គឧត្តម​ជា​ប្រវត្តិសាស្ត្រ នៃ​ព្រះរាជ​ជ​បុត្រ ព្រមទាំង​បួងសួង​គុណបុណ្យ​ព្រះ​រតនត្រ័យ​កែវ​ទាំង​បី វត្ថុ​សក្តិ​សិទ្ធ​ក្នុង​លោក ទេវតា រក្សា​ព្រះ​មហា​ស្វេត​ច្ឆ័​ត្រ និង​គុណបុណ្យ​ព្រះ​បារមី​អតីត ព្រះមហាក្សត្រ ព្រះ​មហាក្សត្រី​យា​នី​ខ្មែរ គ្រប់ ព្រះ​អង្គ ។

ជា​ពិសេស​ ព្រះ​បារមី​នៃ ប៉ា​ប៉ា ព្រះករុណា​ព្រះ​មហា​វីរក្សត្រ ព្រះ​វររាជ​បិតា​ជាតិខ្មែរ ព្រះ​បរម​រតន​កោដ្ឋ ជាទី​គោរព​សក្ការៈ​ដ៏​ខ្ពង់ខ្ពស់​បំផុត​នៃ​ប្រជាជាតិ ប្រជារាស្ត្រ​ខ្មែរ និង​ទេវតា​ឆ្នាំ​ថ្មី​ព្រះ​នាម រា​ក្យ​សា​ទេវី សូម​ព្រះ​អង្គ​ជួយ​បីបាច់​ថែរក្សា ព្រះរាជបុត្រ មាន​ព្រះរាជ​សុខភាព​ល្អ​បរិបូរ​ណ៏ ព្រះ​បញ្ហា ញាណ​ភ្លឺ​ថ្លា ព្រះ​ជន្មាយុ​យឺនយូរ​បាន​ប្រកប​តែ​នឹង​ព្រះ​បរមសុខ​គ្រប់​ប្រការ​សម្រាប់​ប្រជាជាតិ ប្រជា​រាស្ត្រ កម្ពុជា​ដរាប​តរៀង​ទៅ និង​ជាទី​ពឹង​ពំនាក់​ដ៏​កក់ក្តៅ​នៃ​ប្រជាជាតិ​មាតុភូមិ និង​ប្រជារាស្ត្រ​ជាទី​ស្រឡាញ់ នៅ​ទូ​ទាំង​ព្រះរាជាណាចក្រ​កម្ពុជា​ ៕

អត្ថបទសរសេរ ដោយ

កែសម្រួលដោយ