សម្តេចតេជោ ហ៊ុន សែន អញ្ជើញគោរពវិញ្ញាណក្ខន្ធ មហាឧបាសិកាពុទ្ធសាសនូបត្ថម្ភក៍ ផូ ភួង
រាជធានីភ្នំពេញ ៖ នារសៀលថ្ងៃសៅរ៍ ទី១១ ខែមេសា ឆ្នាំ២០២៦ សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី…
រាជធានីភ្នំពេញ ៖ នារសៀលថ្ងៃសៅរ៍ ទី១១ ខែមេសា ឆ្នាំ២០២៦ សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី នៃព្រះរាជាណាចក្រកម្ពុជា អញ្ជើញគោរពវិញ្ញាណក្ខន្ធ មហាឧបាសិកាពុទ្ធសាសនូបត្ថម្ភក៍ ផូ ភួង ដែលត្រូវជាម្តាយបង្កើតឯកឧត្តមនាយឧត្តមសេនីយ៍ ស ថេត អគ្គស្នងការនគរបាលជាតិ ដែលបានទទួលមរណភាព កាលពីថ្ងៃពុធ ទី៨ ខែមេសា ឆ្នាំ២០២៦ ក្នុងជន្មាយុ ៩៥ឆ្នាំ ដោយរោគាពាធ ។
សម្តេចតេជោបានមានប្រសាសន៍រំលែកទុក្ខដ៏ក្រៀមក្រំ ជូនចំពោះឯកឧត្តមនាយឧត្តមសេនីយ៍ និងលោកជំទាវ ព្រមទាំងក្រុមគ្រួសារ នូវការបាត់បង់នូវម្តាយ ម្តាយក្មេក ជីដូន ជីទួត ជាទីគោរពស្រលាញ់បំផុត ដែលប្រកបទៅដោយព្រហ្មវិហារធម៌ និងសង្គហធម៌ របស់កូនៗ ចៅៗ ចៅទួត ហើយក៏ជាការបាត់បង់ នូវពុទ្ធសាសនិកមួយរូប ដែលតែងតែមានសទ្ធាជ្រះថ្លាក្រៃលែងក្នុងការលើកស្ទួយព្រះពុទ្ធសាសនានៅកម្ពុជា ។
សម្តេចតេជោ ហ៊ុន សែន ក៏បានអញ្ជើញចារលើក្រាំងមាសរំលែកទុក្ខដល់ក្រុមគ្រួសារមហាឧបាសិកាពុទ្ធសាសនូបត្ថម្ភក៍ ផូ ភួង ៕
ចែករំលែកព័តមាននេះ