ខេត្តបន្ទាយមានជ័យ ៖ សមត្ថកិច្ចឃាត់ខ្លួនជនសង្ស័យ១១នាក់ ដែលចោទប្រកាន់ពីបទធ្វើសកម្មភាពកាប់ប្លន់យកម៉ូតូនៅក្រុងប៉ោយប៉ែត ត្រូវបានបញ្ជូនទៅសាលាដំបូងខេត្តបន្ទាយមានជ័យនៅថ្ងៃទី០៩ ខែមេសា ឆ្នាំ២០២៦ ។ លោកអនុសេនីយ៍ឯក តិល…
ខេត្តបន្ទាយមានជ័យ ៖ សមត្ថកិច្ចឃាត់ខ្លួនជនសង្ស័យ១១នាក់ ដែលចោទប្រកាន់ពីបទធ្វើសកម្មភាពកាប់ប្លន់យកម៉ូតូនៅក្រុងប៉ោយប៉ែត ត្រូវបានបញ្ជូនទៅសាលាដំបូងខេត្តបន្ទាយមានជ័យនៅថ្ងៃទី០៩ ខែមេសា ឆ្នាំ២០២៦ ។
លោកអនុសេនីយ៍ឯក តិល តៃលីវ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែតបានប្រាប់ថា ជនសង្ស័យដែលត្រូវឃាត់ខ្លួនមាន ១-ឈ្មោះ សូ វិច្ឆិការ ភេទប្រុស អាយុ១៨ឆ្នាំ ២-ឈ្មោះ ផៃ សំណាង ភេទប្រុស អាយុ១៦ឆ្នាំ ៣-ឈ្មោះ មឿន បញ្ញា ភេទប្រុស អាយុ១៦ឆ្នាំ ៤-ឈ្មោះ ម៉ៃ សារ៉ាមី ភេទប្រុស អាយុ១៤ឆ្នាំ ៥-ឈ្មោះ វ៉ាន់ វីន ភេទប្រុស អាយុ១៤ឆ្នាំ ៦-ឈ្មោះ ឃីម ចាន់ធា ភេទប្រុស អាយុ១៤ឆ្នាំ ៧-ឈ្មោះ ខុម លីហួរ ភេទប្រុស អាយុ១៦ឆ្នាំ ៨-ឈ្មោះ អន លាភ ភេទប្រុស អាយុ១៤ឆ្នាំ ៩-ឈ្មោះ យឿត សៀវហុង ភេទប្រុស អាយុ១៦ឆ្នាំ ១០-ឈ្មោះ វ៉ាន់ រតនា ភេទប្រុស អាយុ២២ឆ្នាំ ១១-ឈ្មោះ វណ្ណៈ ណាវីន ភេទប្រុស អាយុ១៦ឆ្នាំ ដែលរស់នៅភូមិទួលពង្រ សង្កាត់អូរឫស្សី ក្រុងប៉ោយប៉ែត ។
លោកបានបញ្ជាក់ថា កាលពីថ្ងៃទី០៧ ខែមេសា ឆ្នាំ២០២៦ នៅចំណុចបណ្តោយផ្លូវជាតិលេខ៥៨ស្ថិតភូមិទួលពង្រ សង្កាត់អូរឫស្សី ក្រុងប៉ោយប៉ែត សកម្មភាពជនសង្ស័យ១ក្រុមមានគ្នា១១នាក់ជិះម៉ូតូ៤គ្រឿង មានកាំបិត ដំបង បានធ្វើសកម្មភាពស្ទាក់កាប់ប្លន់យកម៉ូតូជនរងគ្រោះឈ្មោះ ភឹម សំណាង ភេទប្រុស អាយុ៣៨ឆ្នាំ ដែលកំពុងជិះម៉ូតូឌុបប្រពន្ធកូន៣នាក់ ដែលម៉ូតូមានម៉ាកដា
ឌ្រីម ។
លោកអនុសេនីយ៍ឯក តិល តៃលីវ បានបញ្ជាក់ថា ក្រោយទទួលព័ត៌មានកម្លាំងមូលដ្ឋានកងរាជអាវុធហត្ថក្រុងប៉ោយប៉ែត បានចុះអន្តរាគមន៍ស្រាវជ្រាវឃាត់ខ្លួនជនសង្ស័យជាបន្តបន្ទាប់បានចំនួន១១នាក់ និងម៉ូតូ៤គ្រឿង និងរឹបអូសបានកាំបិតធ្វើសកម្មភាពនៅថ្ងៃដដែល ត្រូវបានបញ្ជូនមកបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត ដើម្បីអនុវត្តន៍តាមច្បាប់ ៕
ចែករំលែកព័តមាននេះ