យោងតាមការចុះផ្សាយពីប្រភពបរទេស តើអ្នកធ្លាប់ចាប់អារម្មណ៍កម្រាស់ខ្លាញ់ក្បាលពោះខ្លួនឯងដែរឬទេ? វាមិនត្រឹមតែធ្វើឱ្យយើងស្លៀកពាក់លែងស្អាតប៉ុណ្ណោះទេ ប៉ុន្តែសុខភាពខាងក្នុងដែលមើលមិនឃើញក៏កំពុងប្រឈមនឹងគ្រោះថ្នាក់ដែរ។ ខ្លាញ់ដែលរុំតាមថ្លើម និងតាមសរសៃឈាម គឺសុទ្ធតែកើតចេញពីរបបអាហារដែលមានជាតិម្សៅ ស្ករ និងកូឡេស្តេរ៉ុលខ្ពស់។ ជាការពិតណាស់…
យោងតាមការចុះផ្សាយពីប្រភពបរទេស តើអ្នកធ្លាប់ចាប់អារម្មណ៍កម្រាស់ខ្លាញ់ក្បាលពោះខ្លួនឯងដែរឬទេ? វាមិនត្រឹមតែធ្វើឱ្យយើងស្លៀកពាក់លែងស្អាតប៉ុណ្ណោះទេ ប៉ុន្តែសុខភាពខាងក្នុងដែលមើលមិនឃើញក៏កំពុងប្រឈមនឹងគ្រោះថ្នាក់ដែរ។ ខ្លាញ់ដែលរុំតាមថ្លើម និងតាមសរសៃឈាម គឺសុទ្ធតែកើតចេញពីរបបអាហារដែលមានជាតិម្សៅ ស្ករ និងកូឡេស្តេរ៉ុលខ្ពស់។
ជាការពិតណាស់ កូឡេស្តេរ៉ុលមាន ២ ប្រភេទគឺ៖ ប្រភេទល្អដែលមានក្នុងប្រេងអូលីវ ឬត្រីសមុទ្រ និងប្រភេទអាក្រក់ដែលមានក្នុងខ្លាញ់សត្វ។ ទោះបីជា ៨០% នៃកូឡេស្តេរ៉ុលត្រូវបានផលិតដោយថ្លើម និងត្រឹមតែ ២០% ប៉ុណ្ណោះបានមកពីអាហារ ប៉ុន្តែការជ្រើសរើសញ៉ាំអាហារដែលជួយបង្កើនខ្លាញ់ល្អ នឹងជួយឱ្យរាងកាយរឹងមាំ និងជៀសឆ្ងាយពីជំងឺកាចសាហាវបានយ៉ាងច្រើន។
ខាងក្រោមនេះគឺជាកំពូលអាហារ ៦ យ៉ាងដែលជួយកាត់បន្ថយកូឡេស្តេរ៉ុលអាក្រក់៖
អាហារដំបូងគេគឺ “សណ្ដែក និងធញ្ញជាតិ” មិនថាជាសណ្ដែកខៀវ សណ្ដែកក្រហម សណ្ដែកសៀង ឬស្រូវសាលីឡើយ ពួកវាសុទ្ធតែមានសមត្ថភាពជួយកាត់បន្ថយកម្រិតខ្លាញ់អាក្រក់ក្នុងរាងកាយបានយ៉ាងប្រសើរ។ បន្ទាប់មកគឺ “បាយពីអង្ករសំរូប និងនំប៉័ងហូលវីត” ដែលមិនត្រឹមតែជួយបញ្ចុះកូឡេស្តេរ៉ុលទេ ប៉ុន្តែសម្បូរជាតិសរសៃជួយពន្យារការបឺតស្រូបជាតិស្ករ ស័ក្តិសមបំផុតសម្រាប់អ្នកជំងឺទឹកនោមផ្អែម និងជួយឱ្យប្រព័ន្ធរំលាយអាហារដំណើរការបានល្អ។
ចំពោះ “ផ្លែឈើដែលមានរសជាតិផ្អែមតិច” ជាពិសេសផ្លែឈើដែលញ៉ាំទាំងសំបកបានដូចជា ប៉ោម ប៉េងប៉ោះ ស្ពឺ ឬសារី គឺសម្បូរទៅដោយវីតាមីន និងជាតិសរសៃជួយលាងជម្រះជាតិខ្លាញ់។ ជាមួយគ្នានេះ “បន្លែស្លឹកបៃតង” ដូចជា ខាត់ណា ស្ពៃពួយឡេង ឬប្រូខូលី ក៏ដើរតួយ៉ាងសំខាន់ក្នុងការកម្ចាត់ខ្លាញ់អាក្រក់ចេញពីសរសៃឈាមផងដែរ។
ក្រៅពីនេះ “ខ្ទឹមស និងខ្ទឹមក្រហម” គឺជាឱសថដ៏ពូកែក្នុងការការពារជំងឺលើសឈាម បញ្ចុះកម្រិតជាតិខ្លាញ់ និងជាតិស្ករក្នុងឈាមយ៉ាងមានប្រសិទ្ធភាព។ ចុងក្រោយគឺ “ផ្លែមើម ឬផ្លែត្រប់” មិនថាត្រប់ស្រួយ ឬប៉េងប៉ោះទេ ពួកវាសម្បូរវីតាមីនសេ ជួយថែរក្សាស្បែក ការពារផ្ដាសាយ និងជួយដេញកូឡេស្តេរ៉ុលអាក្រក់ចេញពីក្នុងឈាម។
ជារួមមក អ្នកគួរផ្លាស់ប្តូរការញ៉ាំអាហារទាំងនេះឆ្លាស់គ្នាជារៀងរាល់ថ្ងៃ រួមផ្សំជាមួយការហាត់ប្រាណឱ្យបានទៀងទាត់ និងសម្រាកឱ្យបានគ្រប់គ្រាន់ ដើម្បីទទួលបានសុខភាពមាំមួន និងរាងស្លីមស្អាតជានិរន្តរ៍៕
ចែករំលែកព័តមាននេះ