កម្ពុជា និងអង្គការយូណេស្កូ ប្ដេជ្ញាពង្រឹងកិច្ចសហប្រតិបត្តិការលើការអភិរក្សបេតិកភណ្ឌ និងពិភាក្សាលើបញ្ហាសន្តិសុខតំបន់ ។ ក្រសួងការបរទស និងសហប្រតិបត្តិការអន្តរជាតិ បានប្រកាសនាថ្ងៃទី៩ ខែមេសា ឆ្នាំ២០២៦នេះថា…
កម្ពុជា និងអង្គការយូណេស្កូ ប្ដេជ្ញាពង្រឹងកិច្ចសហប្រតិបត្តិការលើការអភិរក្សបេតិកភណ្ឌ និងពិភាក្សាលើបញ្ហាសន្តិសុខតំបន់ ។
ក្រសួងការបរទស និងសហប្រតិបត្តិការអន្តរជាតិ បានប្រកាសនាថ្ងៃទី៩ ខែមេសា ឆ្នាំ២០២៦នេះថា ៖ នៅថ្ងៃទី៩ ខែមេសា ឆ្នាំ២០២៦ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានអញ្ជើញជួបពិភាក្សាការងារទ្វេភាគីជាមួយ ឯកឧត្តមបណ្ឌិត Khaled El-Enany អគ្គនាយកអង្គការយូណេស្កូ នៅប្រទេសបារាំង ។
ក្រសួងការបរទស បានបន្តថា ក្នុងជំនួបនេះ ភាគីទាំងពីរបានពិភាក្សាអំពីការពង្រឹងកិច្ចសហប្រតិបត្តិការរវាងកម្ពុជា និងអង្គការយូណេស្កូ ព្រមទាំងការការពារ និងអភិរក្សបេតិកភណ្ឌជាតិ និងសម្បត្តិបេតិកភណ្ឌពិភពលោក ។
ក្រសួងការបរទស បានបញ្ជាក់ថា ភាគីទាំងពីរ ក៏បានផ្លាស់ប្តូរទស្សនៈអំពីការវិវត្តន៍ថ្មីៗពាក់ព័ន្ធនឹងស្ថានការណ៍នៅព្រំដែនកម្ពុជា-ថៃ ព្រមទាំងបញ្ហាតំបន់ និងអន្តរជាតិ ដែលជាកង្វល់រួមរបស់ភាគីទាំងពីរផងដែរ ៕
ចែករំលែកព័តមាននេះ