រាជធានីភ្នំពេញ ៖ លោកឧត្តមសេនីយ៍ឯក ជួន ណារិន្ទ ស្នងការដ្ឋាននគរបាលរាជធានីភ្នំពេញ បានបញ្ជាក់ថា អាជ្ញាធររាជធានីភ្នំពេញ បានត្រៀមប្រើប្រាស់កម្លាំងជាង៣,៦០០នាក់ ដើម្បីការពារសន្តិសុខ…
រាជធានីភ្នំពេញ ៖ លោកឧត្តមសេនីយ៍ឯក ជួន ណារិន្ទ ស្នងការដ្ឋាននគរបាលរាជធានីភ្នំពេញ បានបញ្ជាក់ថា អាជ្ញាធររាជធានីភ្នំពេញ បានត្រៀមប្រើប្រាស់កម្លាំងជាង៣,៦០០នាក់ ដើម្បីការពារសន្តិសុខ សណ្ដាប់ធ្នាប់ និងសុវត្ថិភាព ជូនភ្ញៀវទេសចរ ក្នុងឱកាសបុណ្យចូលឆ្នាំថ្មីប្រពៃណីជាតិ ។
លោកបានអះអាងថា កម្លាំងទាំងនេះ នឹងបែងចែកជាក្រុមសម្រួលចរាចរណ៍ ការពារកន្លែងជួបជុំ ជួយអន្ដរាគមន៍ភ្លាមៗ ឱ្យទាន់ពេលវេលា ពេលមានហេតុការណ៍កើតឡើង និងកម្លាំងអន្តរាគមន៍ពិសេស ដើម្បីធានាភាពសប្បាយរីករាយ ជូនបងប្អូនយើងរយៈពេល៦ថ្ងៃ ។
តាមការគ្រោងទុក នៅរាជធានីភ្នំពេញឆ្នាំនេះ នឹងមានកម្មវិធី សង្ក្រាននៅរាជធានីភ្នំពេញ នៅទីតាំងចំនួន ៦ ដែលរួមមាន ៖ ១. នៅរមណីយដ្ឋានវប្បធម៌ប្រវត្តិសាស្ត្រវត្តភ្នំ ២. តំបន់ជុំវិញវត្តភ្នំ ៣. បរិវេណសួនច្បារវឌ្ឍនៈសួនច្បារអតីតទីលានប្រជាធិបតេយ្យ ៤. ស្ពាននាគភ្លោះរមណីយដ្ឋានវត្តភ្នំរហូតដល់ផ្សាររាត្រី ៥. ផ្លូវថ្មើរជើងចតុមុខរាជធានីភ្នំពេញ (Walk Street) រហូតបរិវេណបាសាក់លែន (Bassac Lane) និង៦. បរិវេណផ្សារទួលទំពូង ៕
ចែករំលែកព័តមាននេះ