រាជធានីភ្នំពេញ ៖ យានដ្ឋានជួសជុលរថយន្តរបស់ចិនមួយកន្លែង យីហោ«ហ្វឹងយ៉ានបានផឹងចុងស៊ីង» ត្រូវបានអគ្គីភ័យឆាបឆេះ បណ្ដាលឱ្យរថយន្តម៉ាកនីស្សាន់មួយគ្រឿងរងការខូចខាត ។ ទោះបីជាយ៉ាងណានេះចាត់ទុកជាសំណាងដោយសារក្រុមជាងនិងអ្នកជិតខាងនាំគ្នាយកបំពង់ពន្លត់អគ្គីភ័យនិងទុយោទឹកបាញ់ពន្លត់ទាន់។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង ៣…
រាជធានីភ្នំពេញ ៖ យានដ្ឋានជួសជុលរថយន្តរបស់ចិនមួយកន្លែង យីហោ«ហ្វឹងយ៉ានបានផឹងចុងស៊ីង» ត្រូវបានអគ្គីភ័យឆាបឆេះ បណ្ដាលឱ្យរថយន្តម៉ាកនីស្សាន់មួយគ្រឿងរងការខូចខាត ។ ទោះបីជាយ៉ាងណានេះចាត់ទុកជាសំណាងដោយសារក្រុមជាងនិងអ្នកជិតខាងនាំគ្នាយកបំពង់ពន្លត់អគ្គីភ័យនិងទុយោទឹកបាញ់ពន្លត់ទាន់។
ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង ៣ និង១៥នាទីរសៀលថ្ងៃទី៩ខែមេសាឆ្នាំ២០២៦នៅតាមមហាវិថីឈ្នះឈ្នះក្នុងភូមិត្រពាំងធ្នង់ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។
តាមសាក្សីបានឲ្យដឹងថា នៅមុនពេលកើតហេតុ គេឃើញក្រុមជាងបានជួសជុលរថយន្តម៉ាកនីស្សាន់ពណ៌ខ្មៅ អត់ផ្លាកលេខមួយគ្រឿង លុះមួយសន្ទុះក្រោយមកស្រាប់តែឆ្លងភ្លើងឆាបឆេះយ៉ាងសន្ធោសន្ធៅ បង្កឲ្យមានការភ្ញាក់ផ្អើលដល់ប្រជាពលរដ្ឋនិងក្រុមជាងជួសជុលរថយន្តនៅជាប់នោះបាននាំគ្នាយកបំពង់ពន្លត់អគ្គីភ័យ និងតទឹកបាញ់ពន្លត់ទាន់ ពុំបណ្ដាឲ្យឆេះរាលដាធ្ងន់ធ្ងរឡើយ។
នៅក្នុងហេតុការណ៍នោះដែរ នគរបាលជំនាញក៏បានចេញរថយន្តចំនួន២គ្រឿងទៅអន្តរាគមន៍ហើយបន្ត បាញ់អស់មួយគ្រឿងជៀសវាងភ្លើងបានឆេះរាលឡើងវិញ។
ជុំវិញការកើតមានករណីអគ្គីភ័យនេះ តាមក្រុមជាងបានឲ្យដឹងថា បណ្ដាលមកពីផ្សារក្បាលអាគុយឆ្លងចរន្តឆាបឆេះក្លាយជាអគ្គីភ័យបែបនេះតែម្ដង ។
នេះចាត់ទុកជាសំណាងដែលក្រុមជាងនិងប្រជាពលរដ្ឋនាំគ្នាជួយបាញ់ពន្លត់ទាន់ កុំអីភ្លើងឆេះរាលដាល ទៅរថយន្តជាច្រើនគ្រឿងទៀតដែលចតនៅក្បែរៗនោះនៅក្នុងយានដ្ឋាន ៕
ចែករំលែកព័តមាននេះ