សេចក្តីជូនដំណឹង
- ភ្នំពេញ
ក្នុងឱកាសបុណ្យ ចូលឆ្នាំថ្មីប្រពៃណីជាតិ «សារព័ត៌មានកោះសន្តិភាព » បានសម្រេចផ្អាកការផ្សាយរបស់ខ្លួន ចាប់ពីថ្ងៃទី១៣ ខែមេសា រហូតដល់ថ្ងៃទី១៩ ខែមេសា ឆ្នាំ២០២៦។…
ក្នុងឱកាសបុណ្យ ចូលឆ្នាំថ្មីប្រពៃណីជាតិ «សារព័ត៌មានកោះសន្តិភាព » បានសម្រេចផ្អាកការផ្សាយរបស់ខ្លួន ចាប់ពីថ្ងៃទី១៣ ខែមេសា រហូតដល់ថ្ងៃទី១៩ ខែមេសា ឆ្នាំ២០២៦។
លោកអ្នកអានជាទីគោរពនឹងមាន «សារព័ត៌មានកោះសន្តិភាព » អានជាប្រក្រតីឡើងវិញចាប់ពីថ្ងៃទី ២0 ខែមេសា ឆ្នាំ២០២៦ តរៀងទៅ ។ ចំណែក « គេហទំព័រ កោះសន្តិភាព » នៅមានដំណើរការផ្សាយប្រចាំថ្ងៃជាធម្មតា។
ក្នុងឱកាសបុណ្យចូលឆ្នាំថ្មីប្រពៃណីជាតិនេះ ក្នុងនាមគណៈគ្រប់គ្រងសារព័ត៌មាន និងគេហទំព័រ« កោះសន្តិភាព » សូមប្រសិទ្ធពរជ័យ សិរីមង្គល វិបុលសុខ ថ្វាយ និងជូនចំពោះ សម្តេចទ្រង់ឯកឧត្តម លោកជំទាវ លោកឧកញ៉ា អស់លោក លោកស្រី អ្នកនាង កញ្ញា ដែលជាប្រិយមិត្តអ្នកអាន« កោះសន្តិភាព » ទាំងក្នុង និងក្រៅប្រទេស សូមប្រកបទៅដោយសុខភាពល្អបរិបូរណ៍ មានថាមពលខ្លាំងក្លា និងភាពចម្រុងចម្រើនជានិច្ចនិរន្តរ៍ ។
សូមប្រសិទ្ធពរជ័យ ជូនចំពោះក្រុមហ៊ុននានា ដែលជាដៃគូផ្សាយពាណិជ្ជកម្មរបស់« កោះសន្តិភាព » សូមឆ្នាំថ្មីទទួលបានការអភិវឌ្ឍរីកចម្រើនថ្មីៗធំៗថែមទៀត និងសូមទេវតាឆ្នាំថ្មី ព្រះនាម រាក្សសាទេវី ដែលយាងចុះមកថែរក្សាទ្វីបលោកទាំងមូល ប្រោសប្រទានពរជ័យវិបុលសុខគ្រប់ប្រការ កុំបីអាក់ខានឡើយ ៕
សូមអរគុណ!
ចែករំលែកព័តមាននេះ