ទីភ្នាក់ងារព័ត៌មានចិនស៊ីនហួរាយការណ៍ថា ប៉ូលិសចិនបានសម្លា.ប់ពួកបះបោរ៤នាក់ក្រោយការស្លា.ប់កាលពីថ្ងៃទី៣១ កក្កដា នូវមនុស្សយ៉ាងតិច៣នាក់ ក្នុងនោះមានប៉ូលិសម្នាក់នៅខេត្តស៊ីនយ៉ាងភាគខាងលិចប្រទេសចិន។ ជនសង្ស័យ៤នាក់បានត្រូវចាប់ខ្លួនហើយមនុស្ស៤នាក់ទៀតកំពុងតែតាមរកនៅ KASHGAR
ទីភ្នាក់ងារព័ត៌មានចិនស៊ីនហួរាយការណ៍ថា ប៉ូលិសចិនបានសម្លាប់ពួកបះបោរ៤នាក់ក្រោយការស្លាប់កាលពីថ្ងៃទី៣១ កក្កដា នូវមនុស្សយ៉ាងតិច៣នាក់ ក្នុងនោះមានប៉ូលិសម្នាក់នៅខេត្តស៊ីនយ៉ាងភាគខាងលិចប្រទេសចិន។
ជនសង្ស័យ៤នាក់បានត្រូវចាប់ខ្លួនហើយមនុស្ស៤នាក់ទៀតកំពុងតែតាមរកនៅ KASHGAR ជាកន្លែងកើតមានការវាយប្រហារមួយចំនួនចាប់តាំងពី១ខែមកហើយ។ យោងតាមសាក្សីទាំងឡាយដកស្រង់សំដីដោយស៊ីនហួថា ជនរងគ្រោះ៣នាក់ត្រូវបាញ់សម្លាប់ដោយពួកបះបោរ។ ប្រភពមូលដ្ឋានមុននេះគូសបញ្ជាក់ថា មនុស្ស៣នាក់បានត្រូវស្លាប់ក្រោយការផ្ទុះមួយ។ មនុស្ស១០នាក់ទៀត ក្នុងនោះមានប៉ូលិស និងអ្នកធ្វើដំណើរបានត្រូវរបួស។
ប៉ូលិសចាប់ខ្លួនជនសង្ស័យ២នាក់ក្នុងក្របខណ្ឌនៃការស៊ើបអង្កេតលើការផ្ទុះមួយកាលពីថ្ងៃទី៣១ កក្កដា ដែលបណ្តាលឱ្យមនុស្ស៣នាក់ត្រូវរបួស។ ពុំមានការពន្យល់ណាមួយត្រូវបានអាជ្ញាធរធ្វើលើការផ្ទុះអំពើហិង្សានេះដែលជាការផ្ទុះលើកទី២នៅស៊ីនយ៉ាងចាប់តាំងពីពាក់កណ្តាលខែកក្កដា មក។ កាលពីថ្ងៃទី១៨ កក្កដា កន្លងមកនេះការវាយប្រហារមួយប្រឆាំងស្នងការដ្ឋានប៉ូលិសបណ្តាលឱ្យមនុស្សស្លាប់១៨នាក់ ក្នុងនោះ១៤នាក់ជាពួកបះបោរប្រឆាំងរដ្ឋាភិបាល ៕
ចែករំលែកព័តមាននេះ