ប្រភពព័ត៌មានផ្លូវការមួយរាយការណ៍ប្រាប់ទីភ្នាក់ងារព័ត៌មាន ចិនស៊ីនហួថា តុល្យការនៃអ្នកស្លា.ប់ឡើងដល់១១នាក់ក្នុងនោះមានប៉ូលិស ១០នាក់ ហើយមនុស្ស១២នាក់ត្រូវរបួសក្រោយការវាយប្រហារដោយរថយន្ត បង្កប់គ្រឿងផ្ទុះមួយកាលពីព្រឹកថ្ងៃទី៣១ កក្កដា ក្នុងទីក្រុងឡាស្កាហ្គាហ៍ទីប្រជុំជន
ប្រភពព័ត៌មានផ្លូវការមួយរាយការណ៍ប្រាប់ទីភ្នាក់ងារព័ត៌មានចិនស៊ីនហួថា តុល្យការនៃអ្នកស្លាប់ឡើងដល់១១នាក់ក្នុងនោះមានប៉ូលិស ១០នាក់ ហើយមនុស្ស១២នាក់ត្រូវរបួសក្រោយការវាយប្រហារដោយរថយន្តបង្កប់គ្រឿងផ្ទុះមួយកាលពីព្រឹកថ្ងៃទី៣១ កក្កដា ក្នុងទីក្រុងឡាស្កាហ្គាហ៍ទីប្រជុំជននៃខេត្តហែលម៉ង់របស់អាហ្វហ្គានីស្ថានស្ថិតនៅចម្ងាយ៥៥៥គ.មខាងត្បូងក្រុងកាប៊ុល ។
លោកដាអ៊ូដ អាហ៍ម៉ាឌី អ្នកនាំពាក្យរបស់អាជ្ញាធរខេត្តគូសបញ្ជាក់ថា របាយការណ៍ចុងក្រោយរបស់យើងរៀបរាប់ពីមនុស្សស្លាប់១១នាក់ក្នុងនោះមានប៉ូលិស១០នាក់ និងកុមារម្នាក់ក្នុងការផ្ទុះដែលកើតមាននៅជិតច្រកចូលនៃទីចាត់ការប៉ូលិសខេត្តក្នុងក្រុងឡាស្កា ហ្គាហ៍ កាលពីថ្ងៃទី៣១ កក្កដា វេលាម៉ោង៨ និង៣០នាទីព្រឹក ។ ម្យ៉ាងវិញទៀតមនុស្ស១២នាក់ ក្នុងនោះមានប៉ូលិស៩នាក់ និងជនស៊ីវិល៣នាក់ត្រូវរបួសក្នុងការវាយប្រហារនេះដែរ ។ ការផ្ទុះយ៉ាងខ្លាំងក៏ធ្វើឱ្យខូចខាតរថយន្តប៉ូលិសជាច្រើនគ្រឿង និងអគារសាធារណៈទាំងឡាយដែលស្ថិតនៅក្បែរ ។
អ្នកនាំពាក្យរូបនោះអះអាងថា ប៉ូលិសបានបើកការស៊ើបអង្កេតមួយ ។ ដោយឡែកនៅអាហ្វហ្គានីស្ថានដែលបានទាហានអូតង់៤នាក់ស្លាប់កាលពីថ្ងៃទី៣១ កក្កដា ក្នុងឧប្បត្តិហេតុដាច់ដោយឡែកពីគ្នា២ ៕
ចែករំលែកព័តមាននេះ