ខេត្តបន្ទាយមានជ័យ ៖ រថយន្តអាល់ហ្វាដ១គ្រឿង ខណៈកំពុងបើកបរស្រាប់តែត្រូវភ្លើងហុយផ្សែងទ្រលោម ហើយអណ្ដាតភ្លើងបានឆេះរោលដល់គូទរថយន្ត៣គ្រឿងដែលចតនៅក្បែរនោះ ។ ករណីនេះ កើតឡើងកាលពីរសៀលថ្ងៃទី៦ ខែមេសា ឆ្នាំ២០២៦កន្លងទៅ…
ខេត្តបន្ទាយមានជ័យ ៖ រថយន្តអាល់ហ្វាដ១គ្រឿង ខណៈកំពុងបើកបរស្រាប់តែត្រូវភ្លើងហុយផ្សែងទ្រលោម ហើយអណ្ដាតភ្លើងបានឆេះរោលដល់គូទរថយន្ត៣គ្រឿងដែលចតនៅក្បែរនោះ ។ ករណីនេះ កើតឡើងកាលពីរសៀលថ្ងៃទី៦ ខែមេសា ឆ្នាំ២០២៦កន្លងទៅ នៅផ្សារកណ្តាល ក្នុងសង្កាត់ផ្សារកណ្តាល ក្រុងប៉ោយប៉ែត។
លោកវរសេនីយ៍ត្រី ប្រិម សុផល នាយប៉ុស្តិ៍នគរបាលរដ្ឋបាលផ្សារកណ្តាល ថ្លែងថា រថយន្តអាល់ហ្វាដដែលត្រូវភ្លើងឆេះនេះ ពណ៌ស ពាក់ផ្លាកលេខ ភ្នំពេញ ២CF-២៣៥១ ធ្វើដំណើរតាមផ្លូវជាតិលេខ៥ពីខាងលិចទៅខាងកើត ។
នៅពេលមានភ្លើងឆេះនោះ អ្នកបើកបរក៏ឈប់ចតនៅចិញ្ចើមផ្លូវ ហើយគេឃើញជនជាតិចិន ៣នាក់បានរត់ចេញពីក្នុងរថយន្តទៅបាត់ ។
លោកនាយប៉ុស្តិ៍បន្តថា នៅពេលភ្លាមៗនោះ គេនៅពុំទាន់ដឹងច្បាស់ពីមូលហេតុដែលនាំឲ្យ
រថយន្តអាល់ហ្វាដនេះត្រូវភ្លើងឆេះនៅឡើយទេ និងត្រូវឆេះអស់ទាំងស្រុង ។ ជាមួយនេះ អណ្ដាត
ភ្លើងក៏បានឆេះរោលគូទរថយន្ត៣គ្រឿងទៀត ដែលម្ចាស់ចតនៅក្បែរនោះដែរមាន ម៉ាក កាម
រីឆ្លាម ម៉ាកគា និងម៉ាកហុីយ៉ាន់ដាយ ។
លោក ប្រិម សុផល ថ្លែងទៀតថា នៅក្នុងហេតុការណ៍នេះ រថយន្តពន្លត់អគ្គិភ័យចំនួន២គ្រឿងបានទៅអន្តរាគមន៍ទឹកពន្លត់ ៕
ចែករំលែកព័តមាននេះ