ខេត្តកំពង់ស្ពឺ ៖ លោកឧត្ដមសេនីយ៍ត្រី រស់ រដ្ឋា ស្នងការរងនគរបាលខេត្ត ទទួលជំនួយការដឹកនាំការិយាល័យព្រហ្មទណ្ឌកម្រិតស្រាល បច្ចុប្បន្នកំពុងសម្រាកព្យាបាលរបួស ក្រោយពីបានចូលរួមក្នុងប្រតិបត្ដិការរំដោះសមត្ថកិច្ច ដែលចុះចាប់មុខសញ្ញាចោរកម្មទិញរថយន្ដពីចោរដែលលួចមកពីស្រុកពាមរ៍…
ខេត្តកំពង់ស្ពឺ ៖ លោកឧត្ដមសេនីយ៍ត្រី រស់ រដ្ឋា ស្នងការរងនគរបាលខេត្ត ទទួលជំនួយការដឹកនាំការិយាល័យព្រហ្មទណ្ឌកម្រិតស្រាល បច្ចុប្បន្នកំពុងសម្រាកព្យាបាលរបួស ក្រោយពីបានចូលរួមក្នុងប្រតិបត្ដិការរំដោះសមត្ថកិច្ច ដែលចុះចាប់មុខសញ្ញាចោរកម្មទិញរថយន្ដពីចោរដែលលួចមកពីស្រុកពាមរ៍ ខេត្ដព្រៃវែង ។ ការផ្ទុះបាតុភាពនេះ បានកើតឡើងនៅផ្លូវជាតិលេខ៣ ស្ថិតក្នុងភូមិអង្គរោង ឃុំមហាឫស្សី ស្រុកគងពិសី ។
ដោយបានការណែនាំពីឯកឧត្ដម ជាម ច័ន្ទសោភ័ណ អភិបាលខេត្ដ និងជាប្រធានគណៈបញ្ជាការឯកភាពរដ្ឋបាលខេត្ដ នៅព្រឹកថ្ងៃទី៦ ខែមេសា ឆ្នាំ២០២៦ លោកឧត្ដមសេនីយ៍ទោឃឹម សុកខៃ ស្នងការនគរបាលខេត្ដ រួមដំណើរដោយលោកឧត្ដមសេនីយ៍ វរសេនីយ៍ស្នងការរង ទទួលផែនការងារនគរបាលព្រហ្មទណ្ឌ ទទួលផែនការងារធនធានមនុស្ស ទទួលផែនការងារភ័ស្ដុភារ និងគណនេយ្យ ទទួលជំនួយការដឹកនាំការិយាល័យព្រហ្មទណ្ឌកម្រិតធ្ងន់ លោកនាយការិយាល័យបុគ្គលិក និងមន្ដ្រីនគរបាលក្រោមចំណុះ បានអញ្ជើញទៅសួរសុខទុក្ខលោកឧត្ដមសេនីយ៍ត្រី រស់ រដ្ឋា ដែលកំពុងសម្រាកព្យាបាលរបួស ។
ប្រតិបត្ដិការរបស់សមត្ថកិច្ចនេះ ដោយសារមានកាតវ៉ាដែលបង្កឡើងដោយបក្ខពួកមុខសញ្ញារកស៊ីពីផលចោរកម្មដ៏សកម្មនៅក្នុងភូមិសាស្ដ្រខាងលើ បានបំផុសស្រែកឡូឡាចោទប្រកាន់ថា មិនដឹងសមត្ថកិច្ចមកពីណា គ្មានឯកសណ្ឋាន គ្មានដីកា និងមិនមែនជាសមត្ថកិច្ចពិតប្រាកដ ចេះតែចុះមកចាប់ពលរដ្ឋស្លូតត្រង់ និងអ្នករកស៊ីលក់-ទិញរថយន្តគ្រប់ប្រភេទ (រថយន្តគ្មានឯក
សារ និងដោះបំបែកលក់គ្រឿងរថយន្តតាមអំពើចិត្ដ) ។
ប្រជាពលរដ្ឋដែលរស់នៅក្នុងភូមិ ឃុំខាងលើមានការអាណិតអាសូរក្រុមចោរដោយមិនបាន
ដឹងរឿងពិតប្រាកដ ក៏នាំគ្នាចេញមុខនិងឡើងមកផ្លូវជាតិលេខ៣ ព្រោះចាញ់កលល្បិចក្រុមបក្ខពួកចោរ បែរជាប្រឆាំងតដៃ ដោយមានកាំបិត ពូថៅ ដំបង របងរនាំងដែកគ្រែ តុ កៅអី និងសម្ភារៈជាច្រើនទៀត មករារាំងមិនឱ្យសមត្ថកិច្ចនគរបាលអនុវត្ដនាំមុខសញ្ញាចោរលួចរថយន្ដ មុខសញ្ញាទទួលផលចោរកម្ម ចេញបាន ។ ជាមួយនេះ បានវាយតបតមកលើសមត្ថកិច្ច បណ្ដាលឱ្យខូចខាត និងរងរបួសកងកម្លាំងនគរបាលជាច្រើននាក់ ថែមទៀត ។
មិនត្រឹមតែប៉ុណ្ណោះ បានធ្វើឲ្យខូចខាតរថយន្តដែលជាទ្រព្យសម្បត្ដិរដ្ឋ និងរថយន្ដផ្ទាល់ខ្លួនរបស់មន្ដ្រីនគរបាល និងប៉ះពាល់ដល់អ្នកដំណេីរឆ្លងកាត់ ដែលជាហេតុការណ៍មួយដ៏អាក្រក់បំផុត មិនធ្លាប់កើតមានទាល់តែសោះ ៕
ចែករំលែកព័តមាននេះ