ខេត្តកំពង់ស្ពឺ ៖ ក្រុមក្មេងទំនើងដែលមានរហស្សនាម ធីម (TMT) ត្រូវបានកម្លាំងនគរបាលក្រុងឧដុង្គម៉ែជ័យ សហការធ្វើការបង្ក្រាបបានខណៈដែលក្រុមជនសង្ស័យធ្វើសកម្មភាពកាប់ទៅលើម៉ូតូជនរងគ្រោះបណ្ដាលរងការខូចខាតហើយរត់គេចខ្លួន។ប៉ុន្តែពេលនេះអស់ល័ក្ខត្រូវបានកម្លាំងនគរបាលស្រាវជ្រាវឃាត់ខ្លួនបានចំនួន ៦នាក់។
នគរបាលក្រុងឧដុងម៉ែជ័យបាននិយាយដឹងថានៅមុនពេលឃាត់ខ្លួនក្រុមក្មេងទំនើងដែលជនសង្ស័យទាំង៦នាក់ខាងលើនេះ÷ដោយបានការបញ្ជាដឹកនាំដ៏ខ្ពង់ខ្ពស់ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ និងការណែនាំពីលោកឧត្ដមសេនីយ៍ត្រី សម សាក់ ស្នងការរងផែនការងារនគរបាលព្រហ្មទណ្ឌ ។ នៅវេលាម៉ោង០៣និង៥០នាទីរសៀលថ្ងៃទី៣១ ខែមីនា ឆ្នាំ២០២៦កន្លងទៅ កម្លាំងជំនាញនគរបាលយុត្តិធម៌នៃអធិការដ្ឋាននគរបាលក្រុងឧដុង្គម៉ែជ័យ បានសហការជាមួយកម្លាំងនគរបាលស្រុកពញាឮ បានធ្វើការស្រាវជ្រាវនិងឈានដល់ធ្វើការឃាត់ខ្លួនជនសង្ស័យចំនួន០៦នាក់។
នគរបាលក្រុងឧដុង្គម៉ែជ័យបាននិយាយដឹងថាក្រុមក្មេងទំនើងទាំង៦នាក់ដែលឃាត់ខ្លួនបានទី១-ឈ្មោះ គង់ ចាន់កក្កដា (ហៅក្តា ហៅដា) ភេទប្រុស អាយុ១៨ឆ្នាំ (អ្នកធ្វើសកម្មភាពកាប់)
ទី២-ឈ្មោះ ហេង ប៊ុននឿន (ហៅកង្កែប) ភេទប្រុស អាយុ២១ឆ្នាំ(ចូលរួម)
ទី៣-ឈ្មោះ ហេង ប៊ុននី (ហៅនី) ភេទប្រុស អាយុ១៨ឆ្នាំ (ចូលរួម) ទាំង៣នាក់ខាងលើរស់នៅក្នុងភូមិផ្សារដែកក្រោម ឃុំផ្សារដែក ស្រុកពញាឮ ខេត្តកណ្តាល។
ទី៤-ឈ្មោះ ម៉ៅ សុខម៉េង (ហៅម៉េង) ភេទប្រុស អាយុ១៧ឆ្នាំ (ចូលរួម) រស់នៅភូមិទួលអំពិល ឃុំពញាឮ ស្រុកពញាឮ ខេត្តកណ្តាល។
ទី៥-ឈ្មោះ ពីន បញ្ញា (ហៅញ៉ា) (អ្នកធ្វើសកម្មភាពកាប់) រស់នៅភូមិធម្មត្រ័យ ឃុំផ្សារដែក ស្រុកពញាឮ ខេត្តកណ្តាល។
និងទី៦-ឈ្មោះ យន រ៉ាវីត (ហៅផុយ) ភេទប្រុស អាយុ១៥ឆ្នាំ (អ្នកធ្វើសកម្មភាពកាប់) រស់នៅក្នុងភូមិអំពិលដើមទឹក ឃុំវិហារលួង ស្រុកពញាឮ ខេត្តកណ្តាល។ យកមកអធិការដ្ឋាននគរបាលក្រុងឧដុង្គម៉ែជ័យដើម្បីធ្វើការសួរនាំ។
ក្រោយពីធ្វើការសួរនាំរួចក្រុមជនសង្ស័យខាងលើបានឆ្លើយសារភាពថាខ្លួនទាំង៦នាក់និងបក្ខពួកផ្សេងទៀតពិតជាបានជិះម៉ូតូទៅធ្វើសកម្មភាពនិងចូលរួមធ្វើសកម្មភាពកាប់ម៉ូតូរបស់ជនរងគ្រោះពិតប្រាកដមែន។
ក្រោយឃាត់ខ្លួនក្រុមជនសង្ស័យខាងលើនគរបាលបានដកហូតវត្ថុតាងរួមមាន ៖
កាំបិតផ្គាក់គ្មានដងចំនួនមួយដើម ។
បច្ចុប្បន្នក្រុមជនសង្ស័យរួមជាមួយនឹងវត្ថុតាងត្រូវបាននគរបាលក្រុងឧដុងម៉ែជ័យកសាងសំណុំរឿងនិងបញ្ជូនទៅការិយាល័យជំនាញនៃស្នងការដ្ឋាននគរបាលខេត្តកំពង់ស្ពឺដើម្បីចាត់ការបន្តតាមផ្លូវច្បាប់៕
ចែករំលែកព័តមាននេះ