ខេត្តបន្ទាយមានជ័យ ៖ ឯកឧត្តមឧបនាយករដ្ឋមន្ត្រី ហ៊ុន ម៉ានី អញ្ជើញបើកសង្ក្រាន្តឆ្នាំថ្មីនៅមណ្ឌលភៀសសឹកវត្តចាន់ស៊ីនិងសួរសុខទុកនាំយកអំណោយចែកជូនកាលពីរសៀលថ្ងៃទី០១ ខែមេសា ឆ្នាំ២០២៦នៅភូមិ/ឃុំកូប ស្រុកអូរជ្រៅ។ ឯកឧត្តម…
ខេត្តបន្ទាយមានជ័យ ៖ ឯកឧត្តមឧបនាយករដ្ឋមន្ត្រី ហ៊ុន ម៉ានី អញ្ជើញបើកសង្ក្រាន្តឆ្នាំថ្មីនៅមណ្ឌលភៀសសឹកវត្តចាន់ស៊ីនិងសួរសុខទុកនាំយកអំណោយចែកជូនកាលពីរសៀលថ្ងៃទី០១ ខែមេសា ឆ្នាំ២០២៦នៅភូមិ/ឃុំកូប ស្រុកអូរជ្រៅ។
ឯកឧត្តម អ៊ុ រាត្រី អភិបាលខេត្តបន្ទាយមានជ័យមានប្រសាសន៍ថា៖ពិតជាមានកិត្តិយសដែលឯកឧត្តម ឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណៈបានអញ្ជើញបើកសង្ក្រាន្តឆ្នាំថ្មីប្រពៃណីខ្មែរ ឆ្នាំ២០២៦ ដែលត្រូវបានរៀបចំដោយក្រុមសហភាពសហព័ន្ធយុវជនកម្ពុជា(ស.ស.យ.ក)ខេត្តបន្ទាយមានជ័យដើម្បីអបអរសាទរក្នុងឱកាសបុណ្យចូលឆ្នាំថ្មីនិងនាំយកអំណោយចែកជូនដល់ជនភៀសសឹកដែលកំពុងស្នាក់នៅវត្តចាន់ស៊ី ស្រុកអូរជ្រៅ។
ឯកឧត្តមបានបញ្ជាក់ថា នៅខេត្តបន្ទាយមានជ័យមានតំបន់ភៀសសឹកចំនួន២កន្លែងមាន១.វត្តកណ្តោល ឃុំគោករមៀត ស្រុកថ្មពួក ២.វត្តចាន់ស៊ី ឃុំគូប ស្រុកអូរជ្រៅ ដេលមានជនភៀសសឹកប្រមាណជាង៣.០០០គ្រួសារក្នុងនោះមានពលរដ្ឋភៀសសឹកមកពីតំបន់ភូមិជោគជ័យ ភូមិព្រៃចាន់ ឃុំអូរបីជាន់ ស្រុកអូរជ្រៅ និងតំបន់បឹងត្រកួនចំនួន៤ភូមិក្រោយទាហានថៃបានបើកការបាញ់ប្រហាមកលើប្រជាពលរដ្ឋស្លូតត្រង់បានភ័យក្លាចហើយជម្លៀសខ្លួនចេញពីតំបន់ជម្លោះព្រំដែនកម្ពុជា.ថៃហើយទាហានថៃបានយកលួសបន្លានិងកុងទីន័រហុំព័ទ្ធយកលំនៅឋាននិងសម្ភារៈប្រជាពលរដ្ឋទើបស្នាក់នៅតំបន់ភៀសសឹក។
ឯកឧត្តម ឧបនាយករដ្ឋមន្ត្រី ហ៊ុន ម៉ានី មានប្រសាសន៍ថា៖ជាការពាំនាំសួរសុខទុកពីសម្តេចតេជោ ហ៊ុន សែន ប្រធានព្រឹទ្ធសភាកម្ពុជានិងសម្តេចមហាបវធិបតី ហ៊ុន ម៉ាណែត នាយករដ្ឋមន្ត្រី នៃព្រៈរាជាណាចក្រកម្ពុជាចំពោះបងប្អូនប្រជាពលរដ្ឋដែលកំពុងស្នាក់នៅតំបន់ភៀសសឹកនិងកោតសសើរចំពោះអាជ្ញាធរស្រុក.ខេត្តបន្ទាយមានជ័យរួមជាមួយក្រុមការងារយុវជនដែលបានរៀបចំសង្ក្រាន្តឆ្នាំថ្មីប្រពៃណីយ៍ខ្មែរដើម្បីលេងល្បែងល្បាំងប្រជាប្រិយ៍និងមានតារ៉ាសម្តែង កម្លែង និងអ្នកចម្រៀងបានចូលរួមក្នុងកម្មវិធីសង្ក្រាន្តឆ្នាំថ្មី៕
ចែករំលែកព័តមាននេះ