កូរ៉េខាងជើង-បេឡារុស ៖ ប្រធានាធិបតីបេឡារុស លោកអាឡិចសាន់ដ្រ៍លូកាឆេនកូ ត្រូវបានទទួលកាលពីថ្ងៃទី២៥ មីនា ដោយមេដឹកនាំកូរ៉េខាងជើង លោកគីម ជុងអ៊ុន នាឱកាសទស្សនកិច្ចផ្លូវការលើកដំបូងរបស់លោកនៅក្រុងព្យុងយ៉ាង…
កូរ៉េខាងជើង-បេឡារុស ៖ ប្រធានាធិបតីបេឡារុស លោកអាឡិចសាន់ដ្រ៍លូកាឆេនកូ ត្រូវបានទទួលកាលពីថ្ងៃទី២៥ មីនា ដោយមេដឹកនាំកូរ៉េខាងជើង លោកគីម ជុងអ៊ុន នាឱកាសទស្សនកិច្ចផ្លូវការលើកដំបូងរបស់លោកនៅក្រុងព្យុងយ៉ាង ។ ប្រទេសទាំង២នោះ ជាសម្ព័ន្ធមិត្តរុស្ស៊ី សុទ្ធតែរងទណ្ឌកម្មរបស់ពួកលោកខាងលិច និងទទួលការចោទប្រកាន់ពីការរំលោភសិទ្ធិមនុស្ស ។
ពិធីទទួលស្វាគមន៍លោកលូកាឆេនកូ ប្រព្រឹត្តទៅនៅទីលានគីម អ៊ីលស៊ុង ដោយលោកគីម ជុង
អ៊ុន បានចាប់ដៃមេដឹកនាំបេឡារុសដោយក្ដីរីករាយបំផុត។ នេះបើតាមទីភ្នាក់ងារព័ត៌មានផ្លូវការកូរ៉េខាងជើងKCNA។
លោកលូកាឆេនកូបន្ទាប់មក បានទៅកាន់វិមានព្រះអាទិត្យ KUMSUSAN កន្លែងតម្កល់សពជីតានិងបិតាលោកគីមជុងអ៊ុន ដើម្បីគោរពវិញ្ញាណក្ខ័ន្ធអមដោយបណ្ដាអ្នកទទួលខុសត្រូវជាន់ខ្ពស់កូរ៉េខាងជើង ។
ទស្សនកិច្ចរយៈពេល២ថ្ងៃរបស់លោកលូកាឆេនកូនៅកូរ៉េខាងជើង សំដៅកំណត់វិស័យគន្លឹះនានា ដែលមានផលប្រយោជន៍ទៅវិញទៅមក ព្រមទាំងបណ្ដាគម្រោងជាអាទិភាពនានា ។ ប្រទេសទាំង២នោះសុទ្ធតែជាអ្នកជួយទ្រទ្រង់ដល់រុស្ស៊ី ក្នុងការធ្វើសង្គ្រាមជាមួយអ៊ុយក្រែន ។ ក្រុងព្យុងយ៉ាងបានបញ្ជូនកងទ័ព និងអាវុធទៅកាន់រុស្ស៊ីចំណែបេឡារុសវិញបានឲ្យរុស្ស៊ីប្រើដែនដីខ្លួនសម្រាប់ការចាប់ផ្ដើមសង្គ្រាមលុកលុយចូលអ៊ុយក្រែន ។
មេដឹកនាំទាំង២ធ្លាប់ជួបគ្នារួចមកហើយ កាលពីខែកញ្ញានៅក្រុងប៉េកាំង កន្លែងទៅចូលរួមក្នុងព្យុហយាត្រាយោធា កំណត់ខួបលើកទី៨០នៃការបញ្ចប់សង្គ្រាមលោកលើកទី២ ។ទស្សនកិច្ចនេះរបស់លោកលូកាឆេនកូនៅក្រុងព្យុងយ៉ាង សំដៅបង្ហាញសាមគ្គីភាពរវាងប្រទេសទាំង២ ដែលប្រទូស្តរ៉ាជាមួយពួកលោកខាងលិច ៕
ចែករំលែកព័តមាននេះ