លោក ខេស៊ី បាណេត (Casey Barnett) អតីតប្រធានសភាពាណិជ្ជកម្មអាមេរិកប្រចាំនៅកម្ពុជាបានអះអាងថា បើកម្ពុជាចង់ក្លាយជាប្រទេសមានចំណូលខ្ពស់នៅ២០៥០ អ្វីដែលចាំបាច់បំផុតគឺត្រូវតែកំណែទម្រង់ ។ ចំណែករដ្ឋាភិបាលត្រូវបានគេដឹងថា…
លោក ខេស៊ី បាណេត (Casey Barnett) អតីតប្រធានសភាពាណិជ្ជកម្មអាមេរិកប្រចាំនៅកម្ពុជាបានអះអាងថា បើកម្ពុជាចង់ក្លាយជាប្រទេសមានចំណូលខ្ពស់នៅ២០៥០ អ្វីដែលចាំបាច់បំផុតគឺត្រូវតែកំណែទម្រង់ ។
ចំណែករដ្ឋាភិបាលត្រូវបានគេដឹងថា កំពុងតែយកចិត្តទុកដាក់ក្នុងការធ្វើកំណែទម្រង់នេះផងដែរ ។
នៅក្នុងនាមជាវិនិយោគិនអាមេរិកមួយរូប មានបទពិសោធន៍ជាច្រើនឆ្នាំ នៅក្នុងពិភពវិនិយោគនៅកម្ពុជា លោក បាណេត បានអះអាងនៅលើបណ្តាញសង្គម កាលពីថ្ងៃទី១៩ ខែមីនា ដែលជាថ្ងៃចុងក្រោយនៅក្នុងតួនាទីជាប្រធានសភាពាណិជ្ជកម្មអាមេរិកប្រចាំនៅកម្ពុជា ថានៅក្នុងឆ្នាំ២០២៦នេះ សេដ្ឋកិច្ចកម្ពុជាមានភាពរឹងមាំ និងធន់ ទោះបីជាមានបញ្ហាប្រឈមក៏ដោយ ប៉ុន្តែបើចង់សម្រេចគោលដៅកំណត់សម្រាប់ឆ្នាំ២០៥០ កម្ពុជា គឺត្រូវការកំណែទម្រង់ ។
លោកបានអះអាងថា «សេដ្ឋកិច្ចកម្ពុជាមានភាពរឹងមាំ និងធន់… ប៉ុន្តែប្រសិនបើចង់សម្រេចបានឋានៈជាប្រទេសដែលមានប្រាក់ចំណូលខ្ពស់ នៅឆ្នាំ២០៥០ កំណែទម្រង់ គឺត្រូវការជាចាំបាច់ ជាពិសេសដើម្បីលុបបំបាត់ និងកាត់បន្ថយបែបបទរដ្ឋបាល និងអាជ្ញាប័ណ្ណស្មុគស្មាញ ដែលកំពុងកើនឡើងឥតឈប់ឈរ» ។
តាមលទ្ធផលនៃការអង្កេតមួយរបស់សភាពាណិជ្ជកម្មអាមេរិកប្រចាំនៅកម្ពុជា បានឲ្យដឹងថា ចាប់ពីពេលនៅដល់ឆ្នាំ២០៥០ ប្រសិនបើកម្ពុជាចង់ឲ្យគោលដៅសម្រេចបាន គឺកម្ពុជាត្រូវការការប្តេជ្ញាចិត្តសម្រេចឲ្យបាននូវកំណើនសេដ្ឋកិច្ចយ៉ាងហោចណាស់ ៦,៦ភាគរយនៅក្នុងមួយឆ្នាំ ៕
ចែករំលែកព័តមាននេះ