ខេត្តបន្ទាយមានជ័យ ៖ រើសបានគ្រាប់បែកចង្កោមយកទៅគប់លេងផ្ទុះ បណ្តាលឱ្យមនុស្សស្លាប់ម្នាក់ និងរបួសធ្ងន់ម្នាក់ ដែលហេតុការណ៍កើតឡើងនៅថ្ងៃទី១៩ ខែមីនា ឆ្នាំ២០២៦ ស្ថិតនៅភូមិបឹងស្នោ ឃុំស្លរក្រាម…
ខេត្តបន្ទាយមានជ័យ ៖ រើសបានគ្រាប់បែកចង្កោមយកទៅគប់លេងផ្ទុះ បណ្តាលឱ្យមនុស្សស្លាប់ម្នាក់ និងរបួសធ្ងន់ម្នាក់ ដែលហេតុការណ៍កើតឡើងនៅថ្ងៃទី១៩ ខែមីនា ឆ្នាំ២០២៦ ស្ថិតនៅភូមិបឹងស្នោ ឃុំស្លរក្រាម ស្រុកស្វាយចេក ។
ជនរងគ្រោះដែលស្លាប់ឈ្មោះ ចាន់ សារ៉េត ភេទប្រុស អាយុ៤៤ឆ្នាំ និងអ្នករងរបួសធ្ងន់ម្នាក់ទៀតឈ្មោះ តា ចាស់ ភេទប្រុស អាយុ៤៧ឆ្នាំ រស់នៅភូមិបឹងស្នោ ឃុំស្លោក្រាម ស្រុកស្វាយចេក។
កម្លាំងអធិការដ្ឋាននគរបាលស្រុកស្វាយចេកបានប្រាប់ថា នៅពេលជនរងគ្រោះទាំង២នាក់រើសបានគ្រាប់បែកចង្កោមរបស់ភាគីថៃដែលសេសសល់កាលពីសង្គ្រាម ឈ្មោះ ចាន់ សារ៉េត អ្នករើសបាន ក៏យកទៅគប់លេងនៅផ្ទះឈ្មោះ តា ចាស់ បណ្តាលឱ្យផ្ទុះស្លាប់ម្នាក់ និងម្នាក់ទៀតរងរបួសធ្ងន់ ហើយត្រូវបានដឹកទៅសង្គ្រោះនៅមន្ទីពេទ្យមិត្តភាពកម្ពុជា-ជប៉ុនមង្គលបូរី។
អាជ្ញាធរបានបញ្ជាក់ដែរថា សូមទទូចសុំអោយប្រជាពលរដ្ឋបើឃើញគ្រាប់យុទ្ធភណ្ឌមិនទាន់ផ្ទុះ សូមមេត្តារាយការណ៍ជូនអាជ្ញាធរ និងសមត្ថកិច្ចនៅក្បែរខ្លួន ដោយមិនត្រូវរើសមកកាន់ ឬគប់លេងបង្កគ្រោះថ្នាក់បែបនេះទេ ។
ចែករំលែកព័តមាននេះ