ខេត្តបន្ទាយមានជ័យ ៖ កម្លាំងបីស្ថាប័នដែលកំពុងឈជើងជួរមុខក្នុងភូមិសាស្គ្រខេត្តបន្ទាយមានជ័យទទួលអំណោយពីរដ្ឋមន្ត្រីក្រសួងសង្គមកិច្ចអតីតៈយុទ្ធជននិងយុវនីតិសម្បទាកាលពីថ្ងៃទី១៧ ខែមីនា ឆ្នាំ២០២៦នៅមន្ទីសង្គមកិច្ចអតីតៈយុទ្ធជននិងយុវនីតិសម្បទាខេត្តបន្ទាយមានជ័យ។
លោក ឃុន វុទ្ធី ប្រធានមន្ទីសង្គមកិច្ចយុវនិតិយុទ្ធជននិងយុវនីតិសម្បទាខេត្តបន្ទាយមានជ័យបានប្រាប់ថា៖អំណោយដែលត្រូវប្រគល់ជូនតំណាងកម្លាំងបីស្ថាប័នដែលកំពុងឈជើងការពារបូរណៈភាពទឹកដីកម្ពុជា ជាអំណោយឯកឧត្តម ជា សុមេធី រដ្ឋមន្ត្រីក្រសួងសង្គមកិច្ចអតីតៈយុទ្ធជននិងយុវនីតិសម្បទា ដើម្បីជួយដល់កម្លាំងជួរមុខនិងការពារអធិបតេយ្យភាព។
លោកបានបញ្ជាក់ថា៖ក្រោយទាហានភាគីថៃបានឈ្លានពានអធិបតេយ្យភាពកម្ពុជា និងបើកការបាញ់ប្រហារហើយកម្លាំងទាំងបីស្ថាប័នបានខិតខំយកចិត្តទុកដាក់អស់ពីកម្លាំងកាយចិត្តបានការពារបូរណៈភាពទឹកដីនេះជាបុព្វហេតុការពារជាតិនិងមាតុភូមិ។
លោក ឃុន វុទ្ធី បានបញ្ជាក់ថា៖ជាការយកចិត្តទុកដាក់ពីឯកឧត្តម ជា សុមេធី រដ្ឋមន្ត្រីក្រសួងសង្គមកិច្ចអតីតៈយុទ្ធជននិងយុវនីតិសម្បទា និងជាការផ្តាំផ្ញើសួរសុខទុកចំពោះវីរៈកងទ័ពដែលកំពុងការពារអធិបតេយ្យភាពកម្ពុជានិងជាការសម្តែងដឹងគុណយ៉ាងស្មោះស្ម័គ្របាននាំយកអំណោយមកប្រគល់ជូនកម្លាំងស្ថាប័នមានប៉ូលីស យោធា កងរាជអាវុធហត្ថ ក្នុង១អង្គភាពទទួលបានធុងដាក់ទឹកចំណុះ៣៥លីត្រចំនួន១០០ធុង អង្ករ២០០ការ៉ុងតូចទឹកបរិសុទ្ធ៥០កេស មី៥០កេស ភួយ៧០កាហ្វេ៥កេស ភេជ្ជៈ៥០០កំប៉ុង អំបុក៧២០ដបឆៃប៉ូវ៥១៤កញ្ចប់ ៕
ចែករំលែកព័តមាននេះ