រាជធានីភ្នំពេញ ៖ នារីម្នាក់បានស្លាប់បាត់បង់ជីវិតនៅកន្លែងខណៈពេលជិះម៉ូតូម៉ាកស្តុបពីមួយគ្រឿងក្នុងល្បឿងលឿនជ្រុលទៅបុកពីក្រោយ រថយន្តដឹកទឹកកក ដែរលកំពុងឈប់ដាក់ទឹកកកអោយម៉ូយនៅ តាមផ្លូវជាតិ៥។ ហេតុការណ៍នេះបង្កភ្ញាក់ផ្អើលកាលពីវេលាម៉ោង៥និង៣០នាទីព្រឹកថ្ងៃទី ១៨ ខែមីនា ឆ្នាំ២០២៦ស្ថិតនៅតាមបណ្ដោយផ្លូវជាតិលេខ៥…
រាជធានីភ្នំពេញ ៖ នារីម្នាក់បានស្លាប់បាត់បង់ជីវិតនៅកន្លែងខណៈពេលជិះម៉ូតូម៉ាកស្តុបពីមួយគ្រឿងក្នុងល្បឿងលឿនជ្រុលទៅបុកពីក្រោយ រថយន្តដឹកទឹកកក ដែរលកំពុងឈប់ដាក់ទឹកកកអោយម៉ូយនៅ តាមផ្លូវជាតិ៥។
ហេតុការណ៍នេះបង្កភ្ញាក់ផ្អើលកាលពីវេលាម៉ោង៥និង៣០នាទីព្រឹកថ្ងៃទី ១៨ ខែមីនា ឆ្នាំ២០២៦ស្ថិតនៅតាមបណ្ដោយផ្លូវជាតិលេខ៥ ក្នុងសង្កាត់ច្រាំងចំរេះទី២ ខណ្ឌឫស្សីកែវ រាជធានីភ្នំពេញ ។
នារីរងគ្រោះឈ្មោះសួរ សុខមានអាយុ៣០ឆ្នាំមានទីលំនៅ ស្រុកឧដុង្គ ខេត្តកំពង់ស្ពឺជិះម៉ូតូមួយគ្រឿងម៉ាក HONDA SCOOPY ពណ៍ខ្មៅ ពាក់ស្លាកលេខ ភ្នំពេញ 1LK-7128។
តាមសាក្សីបានឲ្យដឹងថា នៅព្រឹកព្រលឹងស្រាងៗគេឃើញនារី រងគ្រោះបានជិះម៉ូតូមួយគ្រឿងម៉ាក HONDA SCOOPYខាងលើ ធ្វើដំណើរតាមបណ្តោយផ្លូវជាតិលេខ ៥ ទិសដៅពីត្បូងទៅជើងដោយល្បឿនលឿន។នៅពេលមកដល់ចំណុចកើតហេតុក៏បានបុកពីក្រោយរថយន្តដឹកទឹកកកមួយគ្រឿង ម៉ាក់ហ៊ីយ៉ាន់ដាយពណ៌សពាក់ស្លាកលេខ ភ្នំពេញ 2AG-4992 ដែលកំពុងឈប់ដាក់ទឹកកកឲ្យម៉ូយ។
តាមសាក្សីបានឲ្យដឹងទៀតថា នៅក្នុងគ្រោះថ្នាក់នោះម៉ូតូបានបើកបុកពេញទំហឹងបណ្ដាឲ្យម៉ូតូខ្ទេចផ្នែកខាងមុខហើយនារីរងគ្រោះបានបោកក្បាលនិងទ្រូងស្លាប់នៅនឹងកន្លែង។ចំណែកអ្នកបើកបររថយន្តគេចបាត។បន្ទាប់ពីកើតមានគ្រោះថ្នាក់បុរសជាគូដណ្ដឹងបានមកកន្លែងកើតហេតុបានឲ្យដឹងថា នារីរងគ្រោះបានធ្វើដំណើរមកលេងខ្លួនជាគូដណ្ដឹងនៅភ្នំពេញរួចក៏បានធ្វើដំណើរតាមផ្លូវជាតិលេខ ៥ត្រឡប់ទៅផ្ទះវិញក៏បានជួបគ្រោះថ្នាក់នៅតាមដងផ្លូវតែម្ដង។
បន្ទាប់ពីកើតហេតុនគរបាលមូលដ្ឋានចុះទៅសម្របសម្រួលចរាចរណ៍រួចទាកទងនគរបាលចុះមកវាស់វែងនាំយករថយន្តនិងម៉ូតូទៅកាន់ការិយាល័យចរាចរណ៍ផ្លូវគោកដើម្បីដោះស្រាយ ៕
ចែករំលែកព័តមាននេះ