ខេត្តកំពង់ឆ្នាំង ៖ ត្រីរាជ ជាពូជត្រីប្រភេទកម្រ១ក្បាលទៀតហើយ ដែលប្រជានេសាទស្ថិតនៅភូមិតាដោក ឃុំប្រឡាយមាស ស្រុកកំពង់លែង ខេត្តកំពង់ឆ្នាំង ចាប់បាននឹងប្រគល់ជូនជំនាញជលផល យកទៅព្រលែងចូលដែនធម្មជាតិវិញ…
ខេត្តកំពង់ឆ្នាំង ៖ ត្រីរាជ ជាពូជត្រីប្រភេទកម្រ១ក្បាលទៀតហើយ ដែលប្រជានេសាទស្ថិតនៅភូមិតាដោក ឃុំប្រឡាយមាស ស្រុកកំពង់លែង ខេត្តកំពង់ឆ្នាំង ចាប់បាននឹងប្រគល់ជូនជំនាញជលផល យកទៅព្រលែងចូលដែនធម្មជាតិវិញ ។
លោកងិន ហ៊ុន ប្រធានមន្ទីរកសិកម្មរុក្ខាប្រមាញ់ និងនេសាទខេត្តកំពង់ឆ្នាំងបញ្ជាក់ឲ្យដឹងថាការលែងត្រីរាជ្យ មួយក្បាលនេះ គឺធ្វើឡើងនៅ ថ្ងៃទី១៦ ខែមីនា ឆ្នាំ២០២៦ ។ ក្រោយពីទទួលបានត្រីរាជ មួយក្បាលនេះ មន្ត្រីជំនាញ ជលផលបានធ្វើការថ្លឹងនិងវាស់ប្រវែង វាមានទម្ងន់រហូតទៅដល់៨០ គីឡូក្រាម និងដងខ្លួនប្រវែង១.២៩ម៉ែត្រ ។ នេះជាត្រីរាជក្បាលទី៣ហើយនៅក្នុងដែនធម្មជាតិខេត្តកំពង់ឆ្នាំង ដែលប្រជានេសាទចាប់បានយកមកប្រគល់អោយជំនាញជលផលយើងធ្វើការលែងវិញ ។
លោក ងិន ហ៊ុន ក្នុងនាមប្រធានមន្ទីរកសិកម្មរុក្ខាប្រមាញ់ និងនេសាទខេត្តកំពង់ឆ្នាំង សូមអំពាវនាវដល់ប្រជានេសាទដែលចាប់បានពូជត្រីប្រភេទកម្រ ត្រូវរាយការណ៍ជូនមកអាជ្ញាធរ ក៏ដូចជាជំនាញជលផល ដើម្បីធ្វើការអភិរក្ស លែងចូលក្នុងទន្លេសាបវិញ៕
ចែករំលែកព័តមាននេះ