យោងតាមការចុះផ្សាយពីប្រភពបរទេស ការថែរក្សាឆ្អឹងឱ្យរឹងមាំមិនមែនពឹងផ្អែកតែលើជាតិកាល់ស្យូមមួយមុខនោះទេ ប៉ុន្តែវាទាមទារនូវតុល្យភាពរវាងប្រូតេអ៊ីនសាច់ និងរុក្ខជាតិ។ ប្រូតេអ៊ីនពីសាច់ ត្រី ស៊ុត និងទឹកដោះគោ គឺជាប្រភពអាស៊ីតអាមីណូដ៏សំខាន់សម្រាប់ស្ថាបនាឆ្អឹង និងសម្បូរទៅដោយវីតាមីន…
យោងតាមការចុះផ្សាយពីប្រភពបរទេស ការថែរក្សាឆ្អឹងឱ្យរឹងមាំមិនមែនពឹងផ្អែកតែលើជាតិកាល់ស្យូមមួយមុខនោះទេ ប៉ុន្តែវាទាមទារនូវតុល្យភាពរវាងប្រូតេអ៊ីនសាច់ និងរុក្ខជាតិ។
ប្រូតេអ៊ីនពីសាច់ ត្រី ស៊ុត និងទឹកដោះគោ គឺជាប្រភពអាស៊ីតអាមីណូដ៏សំខាន់សម្រាប់ស្ថាបនាឆ្អឹង និងសម្បូរទៅដោយវីតាមីន D ដែលជួយដល់ការស្រូបយកកាល់ស្យូមបានយ៉ាងល្អ។ ទោះជាយ៉ាងណា ការញ៉ាំសាច់ច្រើនជ្រុលអាចបង្កឱ្យមានជាតិអាស៊ីត ដែលធ្វើឱ្យរាងកាយបញ្ចេញជាតិកាល់ស្យូមមកតាមទឹកនោមវិញ។ ផ្ទុយទៅវិញ ប្រូតេអ៊ីនពីរុក្ខជាតិដូចជា សណ្ដែក និងគ្រាប់ធញ្ញជាតិ មានតួនាទីយ៉ាងសំខាន់ក្នុងការកាត់បន្ថយការបាត់បង់ជាតិកាល់ស្យូម និងជួយរក្សាកំហាប់ឆ្អឹង ជាពិសេសសម្រាប់ស្ត្រីវ័យអស់រដូវ។
ដូច្នេះ ដើម្បីឱ្យឆ្អឹង និងសន្លាក់រឹងមាំ និងមានភាពបត់បែនបានល្អ អ្នកជំនាញណែនាំឱ្យបរិភោគប្រូតេអ៊ីនទាំងពីរប្រភេទនេះបញ្ចូលគ្នា រួមជាមួយសារធាតុចិញ្ចឹមបន្ថែមដូចជា កូឡាជែនប្រភេទទី២ និងរមៀត ដើម្បីទប់ស្កាត់ការសឹកសន្លាក់ និងពង្រឹងសុខភាពរាងកាយទាំងមូល៕
ចែករំលែកព័តមាននេះ