សង្គ្រាមអ៉ីរ៉ង់ ៖ ការរាំងខ្ទប់ច្រកសមុទ្រORMUZ បង្ខំឲ្យបណ្ដាប្រទេសនៅតំបន់ឈូងសមុទ្រ កាត់បន្ថយខ្លាំងផលិកម្មប្រេងរបស់ពួកគេ ដែលបែបនេះនាំឲ្យការផ្គត់ផ្គង់ប្រេងពិភពលោករងការកាត់បន្ថយ៧,៥%។ នេះបើតាមទីភ្នាក់ងារថាមពលអន្តរជាតិAIE។
តម្លៃភាគហ៊ុនអាស៊ីនៅតែធ្លាក់ ក៏ដូចជាភាគហ៊ុនអាមេរិកមកពីគ្មានការធ្វើឲ្យមានស្ថេរភាពវិញ្ដល់តម្លៃប្រេងលើទីផ្សារពិភពលោក ។ បែបនេះបង្ហាញថា សភាពការណ៍សេដ្ឋកិច្ចនៅតែរងឥទ្ធិ្ថពលអាក្រក់ ដោយអតិផរណាឡើងកាន់តែខ្ពស់និងតម្លៃទំនិញក៏ខ្ពស់។ ដើម្បីដោះស្រាយតម្លៃប្រេងដែលឡើងកាន់តែខ្ពស់ សហរដ្ឋអាមេរិកសម្រេចបន្ធូរបន្ថយទណ្ឌកម្មលើការនាំចេញប្រេងរុស្ស៊ីដោយអនុញ្ញាត ឲ្យរុស្ស៊ីលក់ប្រេងស្តុកក្នុងបណ្ដានាវាស្រាប់ ។
ក្រុងវ៉ាស៊ីនតោនឲ្យអាជ្ញាប័ណ្ណ ដែលអនុញ្ញាតឲ្យរុស្ស៊ីលក់រហូតដល់ថ្ងៃទី១១មេសា ប្រេងឆៅនិងបណ្ដាផលិតផលប្រេងដែលមានក្នុងបណ្ដានាវាមុនថ្ងៃទី១២មីនា។ តាមតេឡេក្រាមអ្នកទទួលខុសត្រូវរុស្ស៊ីមួយរូបលោកគីរីលឌីមីឌ្រីអេវមានប្រតិកម្មថា ពិតណាស់អាមេរិកទទួលស្គាល់ហើយថា បើគ្មានប្រេងរុស្ស៊ីនោះទីផ្សារថាមពលពិភពលោក មិនអាចមានស្ថេរភាពបានទេ។
ចំណែកក្រុមហ៊ុនប្រេងដ៏ធំរបស់បារាំង TOTALENERGIES ប្រកាសផ្អាកឬក៏ត្រៀមផ្អាកផលិតកម្មកម្មប្រេងនិងឧស្ម័នក្នុងរដ្ឋជាច្រើននៃតំបន់ឈូងសមុទ្រចំនួន១៥%។ តម្លៃប្រេងកាលពីថ្ងៃទី៩មីនា បានដល់៣០%ដល់ជាង១០០ដុល្លាក្នុង១ធុងដោយក្នុងរយៈពេលខ្លីឡើងដល់១២០ដុល្លារក្នុង១ធុង មកពីសង្គ្រាមនៅអ៉ីរ៉ង់អូសបន្លាយពេលយូរជាមួយការបំផ្លាញទីតាំងប្រេងនានានិងការបិទច្រកសមុទ្រORMUZ។ តម្លៃប្រេងឆៅមកដល់ថ្ងៃទី១៣មីនានៅតែមានតម្លៃជាង១០០ដុល្លាក្នុង១ធុង៕ប្រភព៖ yahoo
ចែករំលែកព័តមាននេះ