ខេត្តសៀមរាប៖ បច្ចុប្បន្នបារាយណ៍នាគព័ន្ធ កំពុងក្លាយជាគោលដៅដ៏ពេញនិយមបំផុតសម្រាប់អ្នកទេសចរទស្សនាសម្រស់ថ្ងៃរះ និងថ្ងៃហៀបលិច ។ សោភ័ណភាពស្រដៀងគ្នានៃពេលវេលាទាំង២ ទាក់ទាញអ្នកទេសចរទៅទស្សនាមិនដាច់ ។ កាលពីថ្ងៃទី១២ មីនា…
ខេត្តសៀមរាប៖ បច្ចុប្បន្នបារាយណ៍នាគព័ន្ធ កំពុងក្លាយជាគោលដៅដ៏ពេញនិយមបំផុតសម្រាប់អ្នកទេសចរទស្សនាសម្រស់ថ្ងៃរះ និងថ្ងៃហៀបលិច ។ សោភ័ណភាពស្រដៀងគ្នានៃពេលវេលាទាំង២ ទាក់ទាញអ្នកទេសចរទៅទស្សនាមិនដាច់ ។
កាលពីថ្ងៃទី១២ មីនា ២០២៦ អាជ្ញាធរជាតិអប្សរា ពណ៌នាថា នៅពេលព្រះសុរិយារៀបអស្តង្គត ពន្លឺពណ៌មាសក្រហមឆ្អៅបានជះចាំងប៉ប្រះផ្ទៃទឹកបារាយណ៍ បង្កើតបានជាផ្ទាំងទស្សនីយភាពដ៏ជក់ចិត្ត ដក់ជាប់ក្នុងអារម្មណ៍អ្នកទស្សនាឥតជិនណាយ ។
បារាយណ៍ជយតដាក(បារាយណ៍ខាងជើង) បានកសាងឡើងក្នុងរាជ្យព្រះបាទជ័យវរ្ម័នទី៧។ ទោះបីជាមានអាយុកាលជិត១សហស្សវត្សរ៍ទៅហើយក្តី ប៉ុន្តែបារាយណ៍ដែលមានបណ្តោយ ៣.៦០០ម៉ែត្រ និងទទឹង៩៣០ម៉ែត្រនេះ នៅតែរក្សាបាននូវភាពអស្ចារ្យរបស់ខ្លួន ។
បច្ចុប្បន្នបារាយណ៍ប្រវត្តិសាស្ត្រនេះមិនត្រឹមតែជាតំបន់ទេសចរណ៍ប៉ុណ្ណោះទេ ប៉ុន្តែថែមទាំងដើរតួនាទីយ៉ាងសំខាន់ក្នុងការរក្សាស្រទាប់ទឹកក្រោមដី ក៏ដូចជាជួយទ្រទ្រង់ដល់ប្រព័ន្ធទឹកក្នុងតំបន់អង្គរធំ ប្រាសាទនាគព័ន្ធ និងប្រាសាទព្រះខ័នផងដែរ ៕
ចែករំលែកព័តមាននេះ