សង្គ្រាមអ៉ីរ៉ង់ ៖ តម្លៃប្រេងលើពិភពលោកហក់ឡើងខ្ពស់យ៉ាងលឿនជាមួយសង្គ្រាមនៅអ៉ីរ់ង់ ហើយប្រជាជនពិភពលោកកំពុងជ្រួលច្របល់ ។ តម្លៃប្រេងកំពុងតែបន្តហក់ឡើងជាថ្មីទៀត ក៏ទោះបីអាមេរិកនិងទីភ្នាក់ងារថាមពលអន្តរជាតិប្រកាសបញ្ចេញប្រេងស្តុកដ៏ច្រើនក្ដី ។ នាថ្ងៃទី១២ មីនា…
សង្គ្រាមអ៉ីរ៉ង់ ៖ តម្លៃប្រេងលើពិភពលោកហក់ឡើងខ្ពស់យ៉ាងលឿនជាមួយសង្គ្រាមនៅអ៉ីរ់ង់ ហើយប្រជាជនពិភពលោកកំពុងជ្រួលច្របល់ ។ តម្លៃប្រេងកំពុងតែបន្តហក់ឡើងជាថ្មីទៀត ក៏ទោះបី
អាមេរិកនិងទីភ្នាក់ងារថាមពលអន្តរជាតិប្រកាសបញ្ចេញប្រេងស្តុកដ៏ច្រើនក្ដី ។
នាថ្ងៃទី១២ មីនា តម្លៃប្រេងឆៅBRENT នៃសមុទ្រខាងជើង បានឡើងជាថ្មីលើសពី១០០ដុល្លារវិញក្នុង១ធុង ក៏ទោះបីអាមេរិកប្រកាសបញ្ចេញប្រេងស្តុកយុទ្ធសាស្ត្ររបស់ខ្លួន ដល់១៧២ធុង ហើយប្រទេសទាំង៣២ ជាសមាជិកទីភ្នាក់ងារថាមពលអន្តរជាតិ ប្រកាសបញ្ចេញប្រេងស្តុកដល់៤០០លានធុងដល់ទីផ្សារប្រេងក្ដី ។
ទីប្រឹក្សាអគ្គបញ្ជាការកងឆ្មាំបដិវត្តន៍អ៉ីរ៉ង់លោកអាលីហ្វាដាវីថ្លែងតាមទូរទស្សន៍រដ្ឋថា កងឆ្មាំបដិវត្តន៍មិនសុខចិត្តចុះចាញ់អាមេរិក និងអ៉ីស្រាអែលឡើយ ។ ពួកសត្រូវគ្រោងពីលទ្ធភាព ដែលពួកគេលង់ខ្លួនក្នុងសង្គ្រាមពង្រិចពង្រិលរយៈពេលយូរមួយ ដែលនឹងបំផ្លាញសេដ្ឋកិច្ចអាមេរិកទាំងមូលនិងសេដ្ឋកិច្ចពិភពលោកផងដែរ ព្រមទាំងបណ្ដាលឲ្យមានការរិចរិលដល់សមត្ថភាពយោធាទាំងមូលរហូតដល់ត្រូវបំផ្លាញទាំងស្រុង ។
មុននេះ ប្រធានាធិបតីអាមេរិក លោកដូណាល់ត្រាំនិយាយថា ការឡើងថ្លៃប្រេងខ្ពស់បែបនេះគ្រាន់តែបណ្ដោះអាសន្នប៉ុណ្ណោះ តែនាថ្ងៃទី៩ មីនា លោកប្រកាសថា នឹងលុបចោលទណ្ឌកម្មមួយចំនួនលើប្រេងកាត ដើម្បីកាត់បន្ថយតម្លៃដែលឡើងខ្ពស់ប៉ុន្មានថ្ងៃចុងក្រោយនេះ ។ លោកថា យើងនឹងលុបចោលទណ្ឌកម្មទាំងនេះ រហូតដល់អ្វីៗបានប្រសើរឡើងវិញ ។
លោកមិនបានបញ្ជាក់ពីបញ្ជីឈ្មោះប្រទេសដែលទាក់ទិននឹងការលុបចោលទណ្ឌកម្មនេះទេ តែពិតណាស់ ទណ្ឌកម្មប្រេង និងឧស្ម័នប្រឆាំងរុស្ស៊ី ដែលក្នុងរយៈពេលប៉ុន្មានថ្ងៃនៃសង្គ្រាមនៅតំបន់មជ្ឈឹមបូព៌ាបណ្ដាក្រុមហ៊ុនប្រេង និងឧស្ម័នយក្ស រុស្ស៊ីកំពុងរកចំណូលបានច្រើនបំផុតពីការបញ្ចេញប្រេង និងឧស្ម័នដែលមុននេះជួបការបិទខ្ទប់ខ្លាំង។
អ៉ីរ៉ង់គំរាមវាយប្រហារធនាគារមជ្ឈមណ្ឌលពាណិជ្ជកម្ម និងក្រុមហ៊ុនបច្ចេកវិទ្យាអាមេរិក
កងទ័ពអ៉ីរ់ង់ថ្លែង នាថ្ងៃទី១១ មីនា ថា ពេលនេះ ចង់វាយប្រហារបណ្ដាធនាគារ និងបណ្ដាមជ្ឈ មណ្ឌលពាណិជ្ចកម្មអាមេរិក ក្នុងតំបន់ឈូងសមុទ្រ ចំណែកទីភ្នាក់ងារព័ត៌មានអ៉ីរ៉ង TASNIM រៀបរាប់ពីក្រុមហ៊ុនបច្ចេកវិទ្យាធំៗរបស់អាមេរិកជាគោលដៅវាយប្រហារនាពេលខាងមុខរបស់
អ៉ីរ៉ង់។ ក្រុមហ៊ុនយក្សទាំងនោះ មានដូចជាក្រុមហ៊ុនAMAZON GOOGLE MICROSOFT IBM ORACLE ឬ NVIDIA៕ ប្រភព៖ fr.news.yahoo.com
ចែករំលែកព័តមាននេះ