រាជធានីភ្នំពេញ ៖ យុវជនម្នាក់ជិះម៉ូតូគេចក្មេងស្ទាវដេញវាយ ក៍ជ្រុលហោះឡើងទួលស្ពាន បណ្ដាលឲ្យដួលម៉ូតូរងរបួសធ្ងន់ ហើយក៍មានជនឆ្លៀតឱកាស លួចយកទូរស័ព្ទនិងលុយមួយចំនួនអស់ថែមទៀត ។ ហេតុការណ៍ខាងលើ បង្កការភ្ញាក់ផ្អើលកើតឡើងនៅវេលាម៉ោង១និង៣០នាទីរំលងអាធ្រាត្រឈានចូលថ្ងៃទី១២…
រាជធានីភ្នំពេញ ៖ យុវជនម្នាក់ជិះម៉ូតូគេចក្មេងស្ទាវដេញវាយ ក៍ជ្រុលហោះឡើងទួលស្ពាន បណ្ដាលឲ្យដួលម៉ូតូរងរបួសធ្ងន់ ហើយក៍មានជនឆ្លៀតឱកាស លួចយកទូរស័ព្ទនិងលុយមួយចំនួនអស់ថែមទៀត ។
ហេតុការណ៍ខាងលើ បង្កការភ្ញាក់ផ្អើលកើតឡើងនៅវេលាម៉ោង១និង៣០នាទីរំលងអាធ្រាត្រឈានចូលថ្ងៃទី១២ មីនា ឆ្នាំ២០២៦ តាមបណ្ដោយផ្លូវលំ ម្តុំទួលពង្រ សង្កាត់ចោមចៅទី១ ខណ្ឌពោធិសែនជ័យ រាជធានីភ្នំពេញ។
តាមប្រភពព័ត៌មានពីយុវជនរងគ្រោះខាងលើបានអោយដឹងថា មុនពេលកើតហេតុ រូបគេបានជិះម៉ូតូម៉ាកហុងដាឌ្រីម ពណ៌ខ្មៅ សេរីឆ្នាំ២០២២ ចេញពីក្លឹបកម្សាន្តមួយកន្លែង នៅម្តុំខណ្ឌដូនពេញ ក្នុងគោលបំណងត្រឡប់ទៅផ្ទះនៅម្តុំព្រៃស ខណៈកំពុងតែជិះធ្វើដំណើរតាមផ្លូវ ក៍ស្រាប់តែក្រុមក្មេងស្ទាវមួយក្រុមមានគ្នីគ្នាជិត១០នាក់ ជិះម៉ូតូជាច្រើនគ្រឿង ក្នុងនោះមានម៉ូតូធន់ធំ និងហុងដាឌ្រីម បានជិះដេញតាមវាយរូបគេតាមផ្លូវរហូតមក ធ្វើឱ្យរូបគេភ័យស្លន់ស្លោ ក៍ជិះមកម្តុំទួលពង្រ ហើយក៍ជ្រុលហោះឡើងទួលស្ពានថ្មមួយកន្លែង បណ្តាលអោយដួលម៉ូតូអូសជាច្រើនម៉ែត្រ រងការខូចខាត និងធ្វើរូបគេងរបួសមួយចំហៀងខ្លួនខាងស្តាំ ។ ពេលនោះក៍ស្រាប់តែមានក្រុមជនឆ្លៀតឱកាស បានមកធ្វើសកម្មភាពលួចយកទូរសព្ទម៉ាក iphone 7 និងលុយចំនួនជាង១លានរៀល គេចចេញទៅបាត់អស់តែម្ដង ។
ក្រោយកើតហេតុ មានប្រជាពលរដ្ឋបានរាយការណ៍ជូនកម្លាំងសមត្ថកិច្ចមូលដ្ឋានបានចុះទៅកន្លែងកើតហេតុ រួចហើយក៍បានយកម៉ូតូរបស់ជនរងគ្រោះទៅរក្សាទុកនៅប៉ុស្តិ៍នគរបាលរដ្ឋបាលចោមចៅទី១ ចំណែកជនរងគ្រោះត្រូវបានទាក់ទងហៅរថយន្តសាមុយមកដឹកយកទៅសង្គ្រោះនៅមន្ទីរពេទ្យតាមក្រោយ ៕
ចែករំលែកព័តមាននេះ