សង្ក្រាមអ៉ីរ៉ង់ ៖ ការវាយប្រហារនាវាដឹកប្រេង២គ្រឿង ក្នុងដែនទឹកភាគខាងត្បូងអ៉ីរ៉ាក់ បណ្ដាលឲ្យមនុស្សម្នាក់ស្លាប់ ហើយប្រតិបត្តិការរុករកកំពុងបន្ត ដើម្បីរកអ្នកបាត់ខ្លួន២នាក់ ។ នេះជាការគូសបញ្ជាក់ កាលពីថ្ងៃទី១២…
សង្ក្រាមអ៉ីរ៉ង់ ៖ ការវាយប្រហារនាវាដឹកប្រេង២គ្រឿង ក្នុងដែនទឹកភាគខាងត្បូងអ៉ីរ៉ាក់ បណ្ដាលឲ្យមនុស្សម្នាក់ស្លាប់ ហើយប្រតិបត្តិការរុករកកំពុងបន្ត ដើម្បីរកអ្នកបាត់ខ្លួន២នាក់ ។ នេះជាការគូសបញ្ជាក់ កាលពីថ្ងៃទី១២ មីនា របស់ទូរទស្សន៍រដ្ឋអ៉ីរ៉ាក់ ដោយដកស្រង់សម្ដីនាយកអាជ្ញាធរកំពង់ផែហ្វាហានអាល់ហ្វាទូស៊ី ។
ទូរទស្សន៍ AL-LKHBARIYA បានផ្សាយរូបភាពនាវា១គ្រឿង ក្នុងសមុទ្រដែលមានភ្លើងឆេះយ៉ាងខ្លាំង និងជះផ្សែងឡើងលើខ្មៅខ្មួល ។ តាមការអះអាងរបស់នាយកអាជ្ញាធរកំពង់ផែអ៉ីរ៉ាក់នោះថា សមាជិកក្រុមនាវិកម្នាក់បានត្រូវស្លាប់ ហើយមនុស្ស៣៨នាក់ត្រូវបានជួយសង្គ្រោះ ហើយការរុករកកំពុងបន្តតាមរកអ្នកបាត់ខ្លួន២នាក់។ សោកនាដកម្មនោះ កើតមាននៅតំបន់មជ្ឈឹមបូព៌ាដែលហែកហួរដោយសង្គ្រាម បន្ទាប់ពីការវាយលុកពីថ្ងៃទី២៨ កុម្ភៈ មក របស់អាមេរិក និងអ៉ីស្រាអែលប្រឆាំងអ៉ីរ៉ង់ នៅជាប់ជិតខាងអ៉ីរ៉ាក់ និងជាសម្ព័ន្ធមិត្តរបស់ក្រុងបាដាដ។
នាគ្រាដំបូងមានសេចក្ដីរាយការណ៍ពីការវាយប្រហារនាវាដឹកប្រេងតែ១គ្រឿងទេ មុនបញ្ជាក់ថាមាននាវាដឹកប្រេងដល់ទៅ២គ្រឿងរងការវាយប្រហារក្នុងដែនទឹកអ៉ីរ៉ាក់។ តាមទីភ្នាក់ងារព័ត៌មាន
អ៉ីរ៉ាកINAថា ភ្នាក់ងារសន្តិសុខអ៉ីរ៉ាក់រាយការណ៍ពីនាវាដឹកប្រេង២គ្រឿងរងការវាយប្រហារ ក្នុងអំពើវិច្ឆេទកម្មមួយ ។
នាវា១គ្រឿងក្នុងចំណោមនាវាទាំង២គ្រឿងនោះដោតទង់ជាតិម៉ាល់តា។ និយោជិតម្នាក់នៃកំពង់ផែប្រេងអ៉ីរា់ក់នៅក្រុងបាស្រាគូសបញ្ជាក់ថា មិនទាន់ច្បាស់ឡើយថា នោះជាការវាយប្រហារដោយសារដ្រូន ឬមួយក៏ជាការបុករបស់នាវាផ្ទុកគ្រឿងផ្ទុះដែលតាមលក្ខណៈបចេ្ចកទេសនិយមប្រើដោយអ៉ីរ៉ង់សម្រាប់វាយប្រហារបណ្ដានាវា ក្នុងដែនទឹកនៃឈូងសមុទ្រពែរ្ស៍និងច្រកសមុទ្រORMUZ ធ្វើឲ្យស្ទះដល់ពាណិជ្ជកម្មប្រេងពិភពលោក ។
ការវាយប្រហារនាវាដឹកប្រេងទាំង២គ្រឿងនោះកាលពីយប់ថ្ងៃទី១១ មីនា កើតមានប៉ុន្មានម៉ោងប៉ុណ្ណោះ បន្ទាប់ពីការព្រមានរបស់ស្ថានទូតអាមេរិកប្រចាំក្រុងបាដាដ ពីលទ្ធភាពនៃការវាយ ប្រហារបែបនោះ របស់អ៉ីរ៉ង់និងសម្ព័ន្ធមិត្ត ប្រឆាំងបណ្ដាហេដ្ឋារចនាសម្ព័ន្ធប្រេងនិងថាមពលដែលជារបស់អាមេរិកក្នុងនៅអ៉ីរ៉ាក់។ កាលពីថ្ងៃទី១០មីនា អ៉ីរ៉ង់ប្រកាសថា នឹងមិនអនុញ្ញាតឲ្យមានការនាំចេញប្រេង១លីត្រណា របស់តំបន់ទៅកាន់ពួកសត្រូវនិងដៃគូរបស់ពួកគេរហូតដល់មានបទបញ្ជាជាថ្មី ៕
ចែករំលែកព័តមាននេះ