ចំណេះដឹង៖ យោងតាមការចុះផ្សាយពីប្រភពបរទេស ក្នុងសម័យកាលដែល AI អាចធ្វើការងារជំនួសយើងបានស្ទើរគ្រប់យ៉ាង តម្លៃពិតប្រាកដរបស់មនុស្សមិនមែនស្ថិតលើការធ្វើការងារដដែលៗនោះទេ ប៉ុន្តែគឺស្ថិតលើ “ភាពជាមនុស្ស” និង “ការច្នៃប្រឌិត”។

ដើម្បីកុំឱ្យ AI មកដណ្តើមតំណែងបាន យើងត្រូវអភិវឌ្ឍខ្លួនឱ្យលើសពីអ្នកប្រើប្រាស់បច្ចេកវិទ្យាធម្មតា ដោយចាប់ផ្ដើមពីការ ស្គាល់អត្តសញ្ញាណខ្លួនឯងឱ្យច្បាស់ និងការមាន គោលដៅជីវិតជាក់លាក់ ដើម្បីប្រើប្រាស់ AI ក្នុងនាមជាម្ចាស់ឧបករណ៍ មិនមែនឱ្យបច្ចេកវិទ្យាមកដឹកមុខយើងតាមនិន្នាការនោះឡើយ។

ខ្លឹមសារសំខាន់នៃជំនាញដែល AI មិនអាចចម្លងបានរួមមាន៖ ការគិតពិចារណាដោយហេតុផល​ ដើម្បីវាយតម្លៃភាពត្រឹមត្រូវនៃទិន្នន័យ និង ភាពច្នៃប្រឌិត ​ ដើម្បីបង្កើតអ្វីដែលថ្មីប្លែកពីគេ។ បន្ថែមពីនេះ ភាពវៃឆ្លាតផ្នែកអារម្មណ៍​ និង ជំនាញទំនាក់ទំនងប្រកបដោយឥទ្ធិពល គឺជាស្ពានចម្លងគំនិតឱ្យទៅជាការងារដែលមានតម្លៃខាងផ្លូវចិត្ត ដែលម៉ាស៊ីនមិនអាចធ្វើបាន។

ចុងក្រោយ ការប្តេជ្ញាចិត្ត សិក្សាពេញមួយជីវិត និងការចេះ ជ្រើសរើសឧបករណ៍ AI ឱ្យត្រូវនឹងតម្រូវការ នឹងធ្វើឱ្យអ្នកក្លាយជាបុគ្គលដែលមិនអាចខ្វះបាន ទោះបីជាបច្ចេកវិទ្យាវិវត្តទៅមុខលឿនយ៉ាងណាក៏ដោយ៕