ចំណេះដឹង៖ យោងតាមការចុះផ្សាយពីប្រភពបរទេស អារម្មណ៍ភ័យខ្លាច ដៃញ័រ ឬបេះដូងលោតញាប់មុនពេលឡើងនិយាយជាសាធារណៈ ឬសម្ភាសន៍ការងារ មិនមែនជាសញ្ញានៃភាពទន់ខ្សោយឡើយ ប៉ុន្តែវាគឺជាប្រតិកម្មធម្មជាតិ “ប្រយុទ្ធ ឬរត់គេច” របស់រាងកាយ។

ដើម្បីគ្រប់គ្រងស្ថានភាពនេះក្នុងរយៈពេលត្រឹមតែ ៣ នាទី អ្នកអាចអនុវត្ត បច្ចេកទេសដកដង្ហើមបែបប្រអប់ (៤-៤-៤-៤) ដោយស្រូបចូល រក្សាទុក ដកដង្ហើមចេញ និងផ្អាកក្នុងរយៈពេល ៤ វិនាទីស្មើៗគ្នា ដើម្បីបញ្ជូនសញ្ញាឱ្យប្រព័ន្ធសរសៃប្រសាទស្ងប់ចុះវិញភ្លាមៗ។ ទន្ទឹមនឹងនោះ ការព្យាយាម បន្ធូរសាច់ដុំដែលតានតឹង នៅត្រង់ស្មា ឬដៃ ក៏នឹងជួយឱ្យខួរក្បាលមានអារម្មណ៍ថាមានសុវត្ថិភាព និងកាត់បន្ថយការថប់បារម្ភបានយ៉ាងរហ័ស។

ក្រៅពីការគ្រប់គ្រងរាងកាយ ការ ផ្លាស់ប្តូរផ្នត់គំនិត ក៏ជារឿងសំខាន់បំផុតផងដែរ ដោយអ្នកគួរផ្ដោតទៅលើ “ការចង់ចែករំលែករឿងល្អៗ” ជាជាង “ការខ្លាចធ្វើខុស” ដើម្បីកាត់បន្ថយសម្ពាធផ្លូវចិត្ត។ តិកនិកបន្ថែមដែលអ្នកមិនគួររំលងគឺ ការក្រេបទឹកបន្តិចដើម្បីរក្សាសំណើមមាត់ ការជៀសវាងភេសជ្ជៈដែលមានជាតិកាហ្វេអ៊ីនដែលធ្វើឱ្យបេះដូងកាន់តែលោតញាប់ និងការស្តាប់តន្ត្រីបែបសម្រាកកាយ។

ចូរចងចាំថា ភាពភ័យអរគឺជាសញ្ញាដែលបង្ហាញថាអ្នកកំពុងផ្ដោតចិត្តទុកដាក់ខ្លាំងលើកិច្ចការនោះ ដូច្នេះគ្រាន់តែចេះគ្រប់គ្រងវា អ្នកនឹងអាចប្រែក្លាយវាទៅជាថាមពលវិជ្ជមានដើម្បីសម្រេចលទ្ធផលដ៏អស្ចារ្យ៕

​