ទីក្រុងព្យុងយ៉ាង៖ មេដឹកនាំកំពូលកូរ៉េខាងជើង លោក គីម ជុងអ៊ុន បានបង្ហាញការពេញចិត្តយ៉ាងខ្លាំងចំពោះសមត្ថភាពប្រយុទ្ធរបស់កងទ័ពជើងទឹក បន្ទាប់ពីបានចុះត្រួតពិនិត្យនាវាពិឃាតម៉ូដែលថ្មីកាលពីដើមសប្តាហ៍នេះ។ នេះបើយោងតាមសារព័ត៌មាន Xinhua ចុះផ្សាយនៅថ្ងៃទី៥…
ទីក្រុងព្យុងយ៉ាង៖ មេដឹកនាំកំពូលកូរ៉េខាងជើង លោក គីម ជុងអ៊ុន បានបង្ហាញការពេញចិត្តយ៉ាងខ្លាំងចំពោះសមត្ថភាពប្រយុទ្ធរបស់កងទ័ពជើងទឹក បន្ទាប់ពីបានចុះត្រួតពិនិត្យនាវាពិឃាតម៉ូដែលថ្មីកាលពីដើមសប្តាហ៍នេះ។ នេះបើយោងតាមសារព័ត៌មាន Xinhua ចុះផ្សាយនៅថ្ងៃទី៥ ខែមីនានេះ។
បើតាមទីភ្នាក់ងារសារព័ត៌មានមជ្ឈិមកូរ៉េ (KCNA) លោក គីម បានសង្កត់ធ្ងន់ថា ការបំពាក់អាវុធនុយក្លេអ៊ែរឱ្យកងទ័ពជើងទឹកកំពុងមានវឌ្ឍនភាពគួរឱ្យកត់សម្គាល់ ដែលវានឹងក្លាយជាកម្លាំងវាយលុកដ៏មានអានុភាពបំផុតក្នុងការការពារដែនសមុទ្រ ហើយលោកបានព្រមានថា ប្រទេសណាដែលបារម្ភពីការត្រៀមលក្ខណៈនេះ គឺជាសត្រូវរបស់កូរ៉េខាងជើង។
ការបង្ហាញឥទ្ធិពលយោធានៅលើសមុទ្រនាពេលនេះ កើតឡើងចំពេលដែលកូរ៉េខាងជើងកំពុងបង្កើនល្បឿនយ៉ាងខ្លាំងក្នុងការធ្វើទំនើបកម្មអាវុធយុទ្ធសាស្ត្ររបស់ខ្លួន។ ក្នុងដំណើរទស្សនកិច្ចនេះ លោក គីម ក៏បានបញ្ជាឱ្យមានការសាកល្បងបាញ់មីស៊ីលចម្ងាយឆ្ងាយពីលើនាវាចម្បាំងដោយផ្ទាល់ផងដែរ ដើម្បីបញ្ជាក់ពីសមត្ថភាពវាយប្រហារចំគោលដៅ។ សកម្មភាពនេះត្រូវបានគេមើលឃើញថា ជាការផ្ញើសារព្រមានទៅកាន់សហរដ្ឋអាម៉េរិក និងកូរ៉េខាងត្បូង ស្របពេលដែលស្ថានភាពសន្តិសុខក្នុងតំបន់កំពុងស្ថិតក្នុងភាពតានតឹងខ្លាំង ក្រោយការផ្ទុះជម្លោះយោធានៅតំបន់មជ្ឈិមបូព៌ា៕
ចែករំលែកព័តមាននេះ