ទីក្រុងការ៉ាកាស ៖ ក្រុមហ៊ុនរ៉ែរបស់រដ្ឋនៃប្រទេសវ៉េណេស៊ុយអេឡា បានចុះហត្ថលេខាលើកិច្ចព្រមព្រៀងតម្លៃរាប់លានដុល្លារ ដើម្បីលក់ដុំមាសរហូតដល់ ១ ពាន់គីឡូក្រាមទៅឱ្យក្រុមហ៊ុន Trafigura សម្រាប់ទីផ្សារសហរដ្ឋអាមេរិក។ នេះបើតាមរបាយការណ៍របស់សារព័ត៌មាន…
ទីក្រុងការ៉ាកាស ៖ ក្រុមហ៊ុនរ៉ែរបស់រដ្ឋនៃប្រទេសវ៉េណេស៊ុយអេឡា បានចុះហត្ថលេខាលើកិច្ចព្រមព្រៀងតម្លៃរាប់លានដុល្លារ ដើម្បីលក់ដុំមាសរហូតដល់ ១ ពាន់គីឡូក្រាមទៅឱ្យក្រុមហ៊ុន Trafigura សម្រាប់ទីផ្សារសហរដ្ឋអាមេរិក។ នេះបើតាមរបាយការណ៍របស់សារព័ត៌មាន Axios របស់សហរដ្ឋអាមេរិក កាលពីថ្ងៃទី៤ ខែមីនា ឆ្នាំ២០២៦ ដោយបានស្រង់ប្រភពចំនួន ២ ដែលដឹងអំពីកិច្ចព្រមព្រៀងនេះ។
តាមរយៈកិច្ចព្រមព្រៀងនេះ តម្រូវឱ្យក្រុមហ៊ុនរ៉ែរបស់វ៉េណេស៊ុយអេឡា Minerven ផ្គត់ផ្គង់ដុំមាសពី ៦៥០ ទៅ ១ ពាន់គីឡូក្រាមទៅឱ្យក្រុមហ៊ុន Trafigura ហើយក្រុមហ៊ុននឹងដឹកជញ្ជូនមាសទៅកាន់រោងចក្រចម្រាញ់ប្រេងរបស់សហរដ្ឋអាមេរិក ក្រោមការរៀបចំដាច់ដោយឡែកជាមួយរដ្ឋាភិបាលសហរដ្ឋអាមេរិក។
លោក Doug Burgum រដ្ឋមន្ត្រីក្រសួងមហាផ្ទៃអាមេរិក ដែលបានទៅដល់ប្រទេសវ៉េណេស៊ុយអេឡា កាលពីថ្ងៃទី៤ ខែមីនា ឆ្នាំ២០២៦ ដើម្បីពិភាក្សាពីឱកាសសម្រាប់កិច្ចសហប្រតិបត្តិការក្នុងវិស័យប្រេង ឧស្ម័ន និងរ៉ែនោះ ត្រូវបានរាយការណ៍ថា ដើរតួនាទីក្នុងការសម្របសម្រួលការចុះហត្ថលេខាលើកិច្ចសន្យាមាសដែលបានរៀបរាប់ខាងលើផងដែរ។
សូមជម្រាបថា តម្លៃមាសអន្តរជាតិកំពុងឈរនៅ ៥ ១៤០ ដុល្លារក្នុង១អោន ឬ ៦ ១៩២ ដុល្លារក្នុង១តម្លឹង គិតត្រឹមម៉ោង ៣ និង ៣០ នាទីរសៀលថ្ងៃទី៥ ខែមីនា ឆ្នាំ២០២៦ (ម៉ោងនៅកម្ពុជា)៕ ប្រភព ៖ Reuters
ចែករំលែកព័តមាននេះ