សង្គ្រាមអ៉ីរ៉ង់ ៖ អ៉ីស្រាអែលព្រមានតាមកម្ទេចរាល់អ្នកដែលឡើងបន្តវេនពីមេដឹកនាំកំពូលអ៉ីរ៉ង់លោកអាយ៉ាតុលាអាលីខាមេនី ដែលត្រូវសម្លាប់ កាលពីថ្ងៃទី២៨ កុម្ភៈ ។ ពិធីបុណ្យសពជាតិជាកិត្តិយសដល់មរណភាពរបស់មេដឹកនាំកំពូលរូបនោះ ត្រូវបានពន្យារពេលទៅដល់កាលបរិច្ឆេទមួយដែលនៅមិនទាន់ដឹងនៅឡើយ ។…
សង្គ្រាមអ៉ីរ៉ង់ ៖ អ៉ីស្រាអែលព្រមានតាមកម្ទេចរាល់អ្នកដែលឡើងបន្តវេនពីមេដឹកនាំកំពូលអ៉ីរ៉ង់លោកអាយ៉ាតុលាអាលីខាមេនី ដែលត្រូវសម្លាប់ កាលពីថ្ងៃទី២៨ កុម្ភៈ ។ ពិធីបុណ្យសពជាតិជាកិត្តិយសដល់មរណភាពរបស់មេដឹកនាំកំពូលរូបនោះ ត្រូវបានពន្យារពេលទៅដល់កាលបរិច្ឆេទមួយដែលនៅមិនទាន់ដឹងនៅឡើយ ។
រដ្ឋមន្ត្រីការពារប្រទេសអាមេរិក លោកPETER HEGSETH អះអាងថា សហរដ្ឋអាមេរិក និងអ៉ីស្រាអែលគ្រប់គ្រងទាំងស្រុងដែនអាកាសអ៉ីរ់ង់ ចំណែកឧត្ដមសេនីយDAN CAIRE នាយសេនាធិការកងទ័ពអាមេរិកថ្លែងថា អាមេរិកបានកម្ទេចនាវាអ៉ីរ៉ង់ជាង២០គ្រឿងបន្ថែមលើបណ្ដានាវាពិឃាត ដែលស្ថិតនៅក្រៅតំបន់ ។
កងម៉ារីនស្រីលង្កាអះអាងនាពេលមុននេះ ពីការបាញ់លិចក្នុងដែនទឹករបស់ខ្លួននាវាពិឃាតអ៉ីរ៉ង់ឈ្មោះ DENA ដោយនាវាមុជទឹកអាមេរិក ។ ចំណែកអ្នកនាំពាក្យសេតវិមាន លោកស្រីការ៉ូលីនលី
វីត អះអាងថា អំណាចរបស់អ៉ីរ៉ង់ហាក់ត្រូវកម្ទេចទាំងស្រុងហើយ ។ អ៉ីរ៉ង់នឹងបង់តម្លៃចពោះឧក្រិដ្ឋកម្មរបស់ខ្លួន ។
នាថ្ងៃទី៤មីនា អ៉ីស្រាអែលអះអាងថា បានវាយប្រហារលើបណ្ដាទីតាំងបាញ់មីស៊ីល ប្រព័ន្ធការពារអាកាស ទីតាំងជាច្រើននៃទីបញ្ជាការដ្ឋាន ព្រមទាំងមជ្ឈមណ្ដលយោធាក្រោមដីមួយនៅអ៉ីរ៉ង់។ កងទ័ពអ៉ីស្រាអែលក៏គូសបញ្ជាក់ដែរ ពីការបាញ់ធ្លាក់យន្តហោះប្រយុទ្ធអ៉ីរ៉ង់មួយគ្រឿងពីលើក្រុងតេហេរ៉ង់ដោយយន្តហោះប្រដេញធុនF-35របស់ខ្លួន។
ចំណែកអ៉ីរ៉ង់វិញបានសន្យាពីការប្រកាន់ភាពម៉ឺងម៉ាត់ ចំពោះបណ្ដាអ្នកដែលធ្វើសកម្មភាពប្រឆាំងខ្លួន និងមិនចរចាជាមួយសហរដ្ឋអាមេរិក និងដោយនិយាយបន្តសង្គ្រាម។ ចំពោះការបាត់បង់ដោយសារសង្គ្រាមវិញ ទីភ្នាក់ងារសារព័ត៌មានអ៉ីរ៉ង់IRNA រៀបរាប់នាថ្ងៃទី៤ មីនា ពីមនុស្សស្លាប់ឡើងដល់១០៤៥នាក់ ក្នុងនោះ មានជនស៊ីវិល និងយោធា ។
ចំពោះសង្ក្រាមនៅអ៉ីរ៉ង់ព្រឹទ្ធសភាអាមេរិក បានអនុម័តកាលពីថ្ងៃទី៤ មីនា មិនកម្រិតអំណាចរបស់ប្រធានាធិបតី លោកដូណាល់ត្រាំក្នុងការធ្វើសង្គ្រាមប្រឆាំងអ៉ីរ៉ង់។ សេចក្ដីសម្រេចចិត្តមួយដែលបញ្ជាឲ្យដកកងទ័ពអាមេរិកដកខ្លួនចេញ ពីការប្រទូស្តរ៉ាយប្រឆាំងអ៉ីរ៉ង់ដាក់ដោយព្រឹទ្ធសមាជិកគណបក្សប្រជាធិបតេយ្យមួយរូប ត្រូវបានព្រឹទ្ធសភាអនុម័តដោយ៥៣សំឡេងប្រឆាំងនិង៤៧សំឡេងគាំទ្រ ៕
ចែករំលែកព័តមាននេះ