រាជធានីភ្នំពេញ ៖ ចំពោះស្ថានការណ៍នៅមជ្ឈិមបូព៌ាកម្ពុជាបានអំពាវនាវដល់គ្រប់ភាគីពាក់ព័ន្ធទាំងអស់ ឱ្យរក្សាការអត់ធ្មត់ជាអតិបរមា ខណៈមកដល់ពេលនេះ ប្រជាជនកម្ពុជា មិនទាន់រងគ្រោះទេ ។ នេះបើយោងតាមសេចក្តីថ្លែងការណ៍របស់ក្រសួងការបរទេស និងសហប្រតិបត្តិការអន្តរជាតិចេញផ្សាយ…
រាជធានីភ្នំពេញ ៖ ចំពោះស្ថានការណ៍នៅមជ្ឈិមបូព៌ាកម្ពុជាបានអំពាវនាវដល់គ្រប់ភាគីពាក់ព័ន្ធទាំងអស់ ឱ្យរក្សាការអត់ធ្មត់ជាអតិបរមា ខណៈមកដល់ពេលនេះ ប្រជាជនកម្ពុជា មិនទាន់រងគ្រោះទេ ។ នេះបើយោងតាមសេចក្តីថ្លែងការណ៍របស់ក្រសួងការបរទេស និងសហប្រតិបត្តិការអន្តរជាតិចេញផ្សាយ នៅថ្ងៃទី២៨ ខែកុម្ភៈ ឆ្នាំ២០២៦ ។
ក្រសួងការបទេសកម្ពុជា បានលើកឡើងថា កម្ពុជាកំពុងតាមដានស្ថានការណ៍នៅមជ្ឈិមបូព៌ា ដោយក្តីបារម្ភដ៏ជ្រាលជ្រៅ ។ ក្រសួងបានបញ្ជាក់ថា៖« យើងសូមអំពាវនាវដល់គ្រប់ភាគីពាក់ព័ន្ធទាំងអស់ ឱ្យរក្សាការអត់ធ្មត់ជាអតិបរមា ដើម្បីជៀសវាងកំណើន ស្ថានការណ៍កាន់តែធ្ងន់ធ្ងរបន្ថែមទៀតដែលនឹងប៉ះពាល់ដល់អាយុជីវិតជនស៊ីវិល និងប៉ះពាល់ដល់សន្តិភាព» ។
ជាមួយគ្នានោះដែរ ក្រសួងការបទេសបានឲ្យដឹងថា មកដល់ពេលនេះ ពុំមានសេចក្តីរាយការណ៍ថា មានប្រជាជនកម្ពុជារងគ្រោះទេ ហើយពលរដ្ឋកម្ពុជាទាំងអស់ ដែលស្ថិតនៅក្នុងតំបន់មជ្ឈិមបូព៌ា ត្រូវបានណែនាំឱ្យបង្កើនការប្រុងប្រយ័ត្ន លើសុវត្ថិភាពរបស់ខ្លួន ៕
ចែករំលែកព័តមាននេះ