ប្រទេសគុយបា ៖ គុយបាបានបរិហារពីការប៉ុនប៉ងជ្រៀតចូលប្រទេសខ្លួនក្នុងគោលបំណងភេរវកម្មរបស់ជនប្រដាប់អាវុធ១ក្រុម បន្ទាប់ពីការបាញ់សម្លាប់នៅក្បែរប្រទេសដែនកោះនេះ កាលពីថ្ងៃទី២៥កុម្ភៈមនុស្ស៤នាក់ ជិះក្នុងនាវាលឿន១គ្រឿង ពាក់ស្លាកលេខរដ្ឋផ្លរីដាហើយដែលដឹកជនជាតិគុយបារស់នៅសហរដ្ឋអាមេរិក។
ក្នុងសេចក្ដីប្រកាសមួយក្រសួងមហាផ្ទៃគុយបាគូសបញ្ជាក់ថា នាវាលឿននោះបានត្រូវកម្ទេច ដោយនាវានេះដាក់ស្លាកលេខផ្លរីដា FL7726SH ដឹកមនុស្សប្រដាប់ដោយអាវុធ១០នាក់ ដែលតាមការសារភាពដំបូងរបស់ពួកអ្នកនៅរស់រានមានជីវិតថា ពួកគេមានបំណងជ្រៀតចូលក្នុងប្រទេសគុយបា ក្នុងគោលដៅភេរវកម្ម។ បណ្ដាកាំភ្លើងវាយលុក អាវុធដទៃៗទៀតព្រមទាំងគ្រឿងផ្ទុះកែច្នៃ អាវការពារគ្រាប់វ៉ែនតាតេឡេស្កុប ព្រមទាំងឯកសណ្ឋានយោធាត្រូវបានរឹបអូស។
សមាជិករបស់ក្រុមប្រដាប់អាវុធនោះសុទ្ធតែជាជនជាតិគុយបារស់នៅអាមេរិក ហើយក្នុងចំណោមពួកគេមួយចំនួន ធ្លាប់មានប្រវត្តិធ្វើសកម្មភាពឧក្រិដ្ឋ់នានានិងប្រព្រឹត្តអំពើហិង្សា។ ក្រសួងមហាផ្ទៃគុយបាបានប្រកាសឈ្មោះមនុស្ស៦នាក់ដែលរងរបួសក្នុងនាវាលឿននេះ ព្រមទាំងឈ្មោះរបស់អ្នកស្លាប់ម្នាក់។
អ្នករបួស២នាក់ស្ថិតក្នុងបញ្ជីបណ្ដាមនុស្សដែលជាប់ការសើុបអង្កេតពីបទឧក្រិដ្ឋនិងតាមរកចាប់ខ្លួនដោយអាជ្ញាធរគុយបា។ អាជ្ញាធរគុយបាក៏រាយការណ៍ផងដែរថា ជនជាតិគុយបាម្នាក់ដែលបញ្ជូនមកពីសហរដ្ឋអាមេរិក ដើម្បីរៀបចំការទទួលក្រុមជនប្រដាប់អាវុធនេះ ត្រូវបានចាប់ខ្លួននៅគុយបា ហើយបានសារភាពអំពើរបស់គេ។
មុននេះអាជ្ញាធរគុយបាគូសបញ្ជាក់ថា មនុស្ស៤នាក់ជិះលើនាវាលឿនពាក់ស្លាកលេខផ្លរីដា បានត្រូវបាញ់សម្លាប់ហើយ៦នាក់ទៀតរងរបួសក្នុងពេលមានការបាញ់តតាំងគ្នា៕
ចែករំលែកព័តមាននេះ