ខេត្តស្ទឹងត្រែង៖ ដំណាំស្វាយកែវល្មៀតនៅក្នុងខេត្តស្ទឹងត្រែង កំពុងបង្ហាញសញ្ញាវិជ្ជមានយ៉ាងខ្លាំងក្នុងដើមឆ្នាំ២០២៦នេះ ដោយមានតម្រូវការខ្ពស់ពីទីផ្សារប្រទេសជិតខាង ពិសេសគឺវៀតណាម និងឡាវ។ កំណើនតម្លៃនេះមិនត្រឹមតែជួយបង្កើនចំណូលដល់កសិករក្នុងស្រុកប៉ុណ្ណោះទេ ប៉ុន្តែថែមទាំងបានបង្កើតឱកាសការងារយ៉ាងច្រើនដល់ប្រជាពលរដ្ឋផងដែរ។ យោងតាមការបញ្ជាក់របស់លោកមាស កុយ…
ខេត្តស្ទឹងត្រែង៖ ដំណាំស្វាយកែវល្មៀតនៅក្នុងខេត្តស្ទឹងត្រែង កំពុងបង្ហាញសញ្ញាវិជ្ជមានយ៉ាងខ្លាំងក្នុងដើមឆ្នាំ២០២៦នេះ ដោយមានតម្រូវការខ្ពស់ពីទីផ្សារប្រទេសជិតខាង ពិសេសគឺវៀត
ណាម និងឡាវ។
កំណើនតម្លៃនេះមិនត្រឹមតែជួយបង្កើនចំណូលដល់កសិករក្នុងស្រុកប៉ុណ្ណោះទេ ប៉ុន្តែថែមទាំងបានបង្កើតឱកាសការងារយ៉ាងច្រើនដល់ប្រជាពលរដ្ឋផងដែរ។ យោងតាមការបញ្ជាក់របស់លោកមាស កុយ ដែលជាអ្នកប្រមូលទិញស្វាយក្នុងតំបន់ បានឱ្យដឹងកាលពីថ្ងៃទី២៥ ខែកុម្ភៈ ឆ្នាំ២០២៦ ថាស្វាយកែវល្មៀតត្រូវបាននាំចេញជារៀងរាល់ថ្ងៃតាមច្រកព្រំដែនអូយ៉ាដាវ។
តម្លៃស្វាយក្នុងឆ្នាំនេះមានភាពល្អប្រសើរជាងឆ្នាំ២០២៤ និង២០២៥ កន្លងទៅ។ចំពោះ ផ្លែស្វាយវេចខ្ចប់ កំណត់ក្នុងប្រភេទ(លេខ១) តម្លៃចន្លោះពី ១,៣០០ ដល់ ២,០០០ រៀលក្នុងគីឡូក្រាម។ រីឯផ្លែស្វាយខៀវ តម្លៃចន្លោះពី ៦០០ ដល់ ៨០០ រៀលក្នុងមួយគីឡូក្រាម។
លោកបានបន្ថែមថា ក្នុងការប្រមូលទិញម្តងៗ លោកត្រូវប្រើប្រាស់កម្លាំងពលកម្មមិនតិចជាង ៣០នាក់ឡើយ សម្រាប់ការងារបេះ ដឹកជញ្ជូន និងរៀបចំតាមបច្ចេកទេស ដោយកម្មករម្នាក់ៗអាចរកចំណូលបានពី ៤០,០០០ ដល់ ៥០,០០០ រៀលក្នុងមួយថ្ងៃ។
លោក អ៊ួន សុខា ប្រធានមន្ទីរពាណិជ្ជកម្មខេត្តស្ទឹងត្រែង បានវាយតម្លៃខ្ពស់ចំពោះស្ថិរភាពទីផ្សារនេះ ដែលជាលទ្ធផលនៃការយកចិត្តទុកដាក់ពីរាជរដ្ឋាភិបាល និងក្រសួងកសិកម្ម តាមរយៈការដាក់ពង្រាយមន្ត្រីកសិកម្មឃុំដើម្បីជួយជ្រោមជ្រែងបច្ចេកទេសដល់កសិករ។ លោកជឿជាក់ថា វិស័យកសិកម្មនេះនឹងក្លាយជាសសរស្តម្ភដ៏រឹងមាំក្នុងការលើកកម្ពស់សេដ្ឋកិច្ចជាតិ។
ដោយឡែក លោក ប៊ុន ផៃ កសិករដាំស្វាយនៅក្រុងស្ទឹងត្រែង បានសម្តែងនូវក្តីរីករាយជាខ្លាំ
ងចំពោះតម្លៃទីផ្សារឆ្នាំនេះ។ លោកបានបញ្ជាក់ថា កសិករនឹងបន្តខិតខំផលិតស្វាយឱ្យ ស្រប
តាមស្តង់ដាដែលអ្នកបញ្ជាទិញចង់បាន ដើម្បីធានាបាននូវតម្លៃខ្ពស់ និងទីផ្សារប្រកបដោយចីរភាព។
គួរបញ្ជាក់ផងដែរថា គិតត្រឹមដើមឆ្នាំ២០២៦នេះ មិនទាន់មានកសិករណាម្នាក់ត្អូញត្អែរអំពីរឿងអត់ទីផ្សារនោះទេ ខណៈដែលតម្លៃនៅតែបន្តរក្សាស្ថិរភាពល្អក្នុងចន្លោះពី ៨០០ ដល់ ១,៥៥០ រៀល សម្រាប់ការលក់បន្តទៅកាន់ប្រទេសវៀតណាម និងឡាវ៕
ចែករំលែកព័តមាននេះ