ខេត្តបន្ទាយមានជ័យ ៖ ក្រុងប៉ោយប៉ែតមានជនបរទេសស្នាក់នៅជាង១២.០០០នាក់ស្មើនិង៦៩សញ្ញាតិ ។ នេះបើយោងតាមរបាយកាណ៍អភិបាលក្រុងប៉ោយប៉ែត នៅក្នុងពិធីផ្សព្វផ្សាយស្តីពីការគ្រប់គ្រងសន្តិសុខសុវត្ថិភាព នៅថ្ងៃទី២៥ ខែកុម្ភៈ ឆ្នាំ២០២៦ នៅក្រុងប៉ោយប៉ែត…
ខេត្តបន្ទាយមានជ័យ ៖ ក្រុងប៉ោយប៉ែតមានជនបរទេសស្នាក់នៅជាង១២.០០០នាក់ស្មើនិង៦៩សញ្ញាតិ ។ នេះបើយោងតាមរបាយកាណ៍អភិបាលក្រុងប៉ោយប៉ែត នៅក្នុងពិធីផ្សព្វផ្សាយស្តីពីការគ្រប់គ្រងសន្តិសុខសុវត្ថិភាព នៅថ្ងៃទី២៥ ខែកុម្ភៈ ឆ្នាំ២០២៦ នៅក្រុងប៉ោយប៉ែត ។
ក្នុងពិធីផ្សព្វផ្សាយអនុក្រឹត្យលេខ០៣របស់រាជរដ្ឋាភិបាលកម្ពុជា ស្តីពីការគ្រប់គ្រងសន្តិសុខសុវត្ថិភាពតាមទីតាំងរស់នៅប្រមូលផ្តុំជូនដល់ម្ចាស់ទីតាំងសណ្ឋាគារ ផ្ទៈសំណាក់ សហគ្រាស ក្នុងក្រុងប៉ោយប៉ែត ។
លោក គាត ហ៊ុល អភិបាលក្រុងប៉ោយប៉ែតបានរាយការណ៍ថា នៅក្រុងប៉ោយប៉ែតមានជនបរទេសស្នាក់នៅមានចំនួន១២.២៤៩នាក់ (ស្រី៣.៦៩៤នាក់) ក្នុងនោះ ស្នាក់នៅរយៈពេលវែងមានចំនួន៩.៤១១នាក់ (ស្រី២.៧៨២នាក់) ស្មើ៦៩សញ្ជាតិ និងស្នាក់នៅរយៈពេលខ្លីមានចំនួន២.៨៣៨នាក់ (ស្រី៩០២នាក់) ស្មើ៤៥សញ្ជាតិ ។
លោក អ៊ុំ រាត្រី អភិបាលខេត្តបន្ទាយមានជ័យបានបញ្ជាក់ថា ការផ្សព្វផ្សាយស្តីពីការគ្រប់គ្រងសន្តិសុខ និងសុវត្ថិភាពតាមទីតាំងរស់នៅសណ្ឋាគារ ផ្ទះសំណាក់ សហគ្រាស ដែលជាទីតាំងរស់នៅប្រមូលផ្តុំពីជនបរទេសអោយចូលរួមសហការជាមួយអាជ្ញាធរដែនដីត្រូវរាយការណ៍អំពីវត្តមានអ្នកស្នាក់នៅបណ្តោះអាសន្នរបស់ជនបរទេស ក្នុងទីតាំងស្ថិតក្រោមការទទួលខុសត្រូវរបស់ខ្លួនក្នុងរយៈពេល២៤ម៉ោងយ៉ាងយូរដល់មន្ត្រីប៉ុស្តិ៍នគរបាលឃុំ/សង្កាត់ ឬមន្ត្រីនគរបាលមានសមត្ថកិច្ច ។
លោកបានបញ្ជាក់ថា បើម្ចាស់ទីតាំងរស់នៅប្រមូលផ្តុំដែលមានចេតនាលាក់បាំង និងអនុញ្ញាតិអោយជនបរទេសចូលមកកម្ពុជាដោយខុសច្បាប់ស្នាក់នៅ ក្រោមការទទួលខុសត្រូវរបស់ខ្លួន ត្រូវផាកពិន័យដោយមិនទាន់គិតដល់ទោសព្រហ្មទណ្ឌដែលកំណត់ក្នុងច្បាប់ជាធរមានឡើយ ៕
ចែករំលែកព័តមាននេះ