ក្រសួងអប់រំ ៖ វីដេអូសិស្សប្រុសហក់ធាក់មិត្តរួមថ្នាក់ស្រីម្នាក់ ក្នុងថ្នាក់រៀន មិនមែនកើតឡើងនៅកម្ពុជាទេ
រាជធានីភ្នំពេញ ៖ ក្រសួងអប់រំ យុវជន និងកីឡា នៅថ្ងៃទី២៥ ខែកុម្ភៈ ឆ្នាំ២០២៦ បានចេញសេចក្តីបំភ្លឺថា ៖…
រាជធានីភ្នំពេញ ៖ ក្រសួងអប់រំ យុវជន និងកីឡា នៅថ្ងៃទី២៥ ខែកុម្ភៈ ឆ្នាំ២០២៦ បានចេញសេចក្តីបំភ្លឺថា ៖ ថ្មីៗនេះ ជនអគតិមួយចំនួនបានកែច្នៃ ដោយបញ្ចូលខ្លឹមសារសំឡេង ជាភាសាខ្មែរ និងបង្ហោះវីដេអូ ដែលមានប្រភពពីបរទេស ធ្វើឱ្យមានការភ័ន្តច្រឡំ នូវសកម្មភាពហិង្សាទៅលើក្មេងស្រី នៅក្នុងថ្នាក់រៀន ថា សកម្មភាពកើតឡើងនៅក្នុងសាលារៀន នៅប្រទេសកម្ពុជា ។
ក្រសួងអប់រំ យុវជន និងកីឡា ចាត់ទុកថា ការកែច្នៃ និងបង្ហោះវីដេអូ ព្រមទាំងការចែកចាយបន្តនូវវីដេអូ បែបនេះ ជាការបង្ហាញ នូវចេតនាអគតិ ដែលបំពុលបរិយាកាសសង្គម ហើយត្រូវប្រឈមមុខនឹងផ្លូវច្បាប់ជាធរមាន ។
ក្រសួងអប់រំ យុវជន និងកីឡា សូមអំពាវនាវដល់ សាធារណជន សូមយកចិត្តទុកដាក់ និងតាមដានព័ត៌មាន ដែលមានប្រភពច្បាស់លាស់ និងសូមកុំបង្ហោះ ឬចែកចាយនូវព័ត៌មានណា ដែលមិនមានប្រភពច្បាស់លាស់ ឬមានចេតនាអគតិ ដើម្បីចៀសវាងការធ្វើឱ្យប៉ះពាល់ដល់កិត្តិយសបុគ្គល ឬស្ថាប័ន៕
ចែករំលែកព័តមាននេះ