រាជធានីភ្នំពេញ ៖ មន្ត្រីនគរបាលប៉ុស្តិ៍កន្ទោកបានប្រាប់ឲ្យដឹងជាចុងក្រោយថា បន្ទាប់ពីនាំទៅដល់សាលាសង្កាត់កន្ទោក អាជ្ញាធរសង្កាត់នេះ បានបញ្ជូនបុរសខាងលើនោះទៅកាន់មន្ទីរពេទ្យឯកជនមួយកន្លែងដើម្បីព្យាបាលភ្លាមៗ ព្រោះគាត់មានអាការៈមិនស្រួលខ្លួនខ្លាំង ។ គួររំលឹកថា បុរសម្នាក់ជិះម៉ូតូសុខៗមានអាការៈមិនស្រួលខ្លួន…
រាជធានីភ្នំពេញ ៖ មន្ត្រីនគរបាលប៉ុស្តិ៍កន្ទោកបានប្រាប់ឲ្យដឹងជាចុងក្រោយថា បន្ទាប់ពីនាំទៅដល់សាលាសង្កាត់កន្ទោក អាជ្ញាធរសង្កាត់នេះ បានបញ្ជូនបុរសខាងលើនោះទៅកាន់មន្ទីរពេទ្យឯកជនមួយកន្លែងដើម្បីព្យាបាលភ្លាមៗ ព្រោះគាត់មានអាការៈមិនស្រួលខ្លួនខ្លាំង ។ គួររំលឹកថា បុរសម្នាក់ជិះម៉ូតូសុខៗមានអាការៈមិនស្រួលខ្លួន និងវង្វេងរកផ្លូវទៅផ្ទះមិនឃើញ សូម្បីតែឈ្មោះខ្លួនឯងក៏មិនចាំផង
លុះដល់វេលាម៉ោងជាង៣រសៀលថ្ងៃដដែលនេះ រកឃើញក្រុមគ្រួសារគាត់ហើយ ហើយប្រពន្ធដើមរបស់គាត់បានទៅទទួលយកគាត់ត្រឡប់ទៅផ្ទះនៅម្ដុំផ្សាររំចេក ក្នុងបុរីរំចេក ភូមិកន្ទោកខាងជើង សង្កាត់កន្ទោក ខណ្ឌកំបូល វិញហើយ ។
នគរបាលដដែលបានប្រាប់ឲ្យដឹងបន្តទៀតថា បុរសនោះមានប្រពន្ធ២នាក់(ប្រពន្ធដើមនិងប្រពន្ធចុង) ហើយសព្វថ្ងៃទំនងជាគាត់រស់នៅជាមួយប្រពន្ធចុងច្រើនជាងនៅជាងនៅជាមួយប្រពន្ធដើម ។
ដោយឡែកនៅវេលាព្រឹកថ្ងៃកើតហេតុ បុរសរូបនោះបានជិះម៉ូតូ១គ្រឿងខាងលើដើររកផ្ទះប្រពន្ធដើម ប៉ុន្តែរកមិនឃើញ ក៏ចេះជិះម៉ូតូដើរកចុះឡើងៗ រហូតមានអាការៈមិនស្រួលខ្លួន និងវង្វេងវង្វាន់ស្មារតីបែបនេះតែម្ដង ។
សូមរំលឹកឡើងវិញថា បុរសម្នាក់ខណៈជិះម៉ូតូសុខៗស្រាប់តែមានអាការៈមិនស្រួលខ្លួន គាត់ក៏ឈប់ម៉ូតូនៅមុនស្តង់ទិញ លក់អេតចាយមួយកន្លែង រួចតោងឱនទ្រោបលើរ៉ឺម៉កអេតចាយគេ និងរកកលដួលសន្លប់ទៅហើយ ។ ពេលឃើញបែបនេះប្រជាពលរដ្ឋបាននាំគ្នាជួយសង្គ្រោះបឋម រហូតបានធូរស្បើយឡើងវិញ ប៉ុន្តែគាត់បានវង្វេងខ្លាំងណាស់រកផ្លូវទៅផ្ទះមិនឃើញឡើយ សូម្បីតែឈ្មោះខ្លួនឯងក៏មិនចាំដែរ ។
ហេតុការណ៍នេះបានកើតឡើងកាលពីវេលាម៉ោង១១និង៣០នាទីព្រឹកថ្ងៃទី២៥ ខែកុម្ភៈ ឆ្នាំ២០២៦ នៅតាមផ្លូវបេតុងបុរីសែនមនោរម្យ ត្រង់ចំណុចមុខស្តង់ទិញ លក់អេតចាយស្ថិតនៅក្នុងភូមិកន្ទោកជើង សង្កាត់កន្ទោក ខណ្ឌកំបូល រាជធានីភ្នំពេញ ។
តាមប្រភពពីប្រជាពលរដ្ឋបានឱ្យដឹងថា បន្ទាប់មកប្រជាការពារភូមិខាងលើបានយករ៉ឺមកម៉ូតូដឹកបុរសនោះនិងម៉ូតូរបស់គាត់យកទៅកាន់សាលាសង្កាត់និងប៉ុស្តិ៍នគរបាលរដ្ឋបាលកន្ទោកដើម្បីឲ្យអាជ្ញាធរនិងនគរបាលជួយធ្វើការស្រាវជ្រាវរកក្រុមគ្រួសារសាច់ញាតិរបស់គាត់ទៅទទួលគាត់ត្រឡប់ទៅផ្ទះវិញ ។
នារសៀលថ្ងៃដដែលនេះដែរ បុរសរូបនោះ ត្រូវបានប្រពន្ធទៅទទួលយកគាត់ត្រឡប់ទៅផ្ទះវិញហើយ ៕
ចែករំលែកព័តមាននេះ