រាជធានីភ្នំពេញ៖ កម្លាំងសមត្ថកិច្ចនៃមន្ទីរប្រឆាំងបទល្មើសគ្រឿងញៀន បានចុះទៅបង្ក្រាបទីតាំងស្តុកទុក និងចែកចាយ ដោយខុសច្បាប់នូវបារីអេឡិចត្រូនិច ដោយដកហូតបានប្រមាណ៣០ម៉ឺនដើម ព្រមទាំងធ្វើការឃាត់ខ្លួនមនុស្សបានចំនួន៥នាក់ផងដែរ ។ ការចុះបង្ក្រាបបោះបានធ្វើឡើងកាលពីវេលាម៉ោង៤ជិតភ្លឺថ្ងៃទី២៤ ខែកុម្ភៈ…
រាជធានីភ្នំពេញ៖ កម្លាំងសមត្ថកិច្ចនៃមន្ទីរប្រឆាំងបទល្មើសគ្រឿងញៀន បានចុះទៅបង្ក្រាបទីតាំងស្តុកទុក និងចែកចាយ ដោយខុសច្បាប់នូវបារីអេឡិចត្រូនិច ដោយដកហូតបានប្រមាណ៣០ម៉ឺនដើម ព្រមទាំងធ្វើការឃាត់ខ្លួនមនុស្សបានចំនួន៥នាក់ផងដែរ ។
ការចុះបង្ក្រាបបោះបានធ្វើឡើងកាលពីវេលាម៉ោង៤ជិតភ្លឺថ្ងៃទី២៤ ខែកុម្ភៈ ឆ្នាំ២០២៦ ផ្ទះលេខC5 ផ្លូវបេតុង ភូមិស្រុកចេក សង្កាត់ជើងឯក ខណ្ឌដង្កោ រាជធានីភ្នំពេញ ។
ដោយឡែកជនសង្ស័យទាំង៥នាក់ដែលត្រូវសមត្ថកិច្ចឃាត់ខ្លួននោះរួមមាន១,ឈ្មោះ វង្ស ឆាយណា ភេទប្រុស, ២,ឈ្មោះ គង់ ឫទ្ធី ភេទប្រុស, ៣,ឈ្មោះ វ៉ែន ប្រុស ភេទប្រុស, ៤,ឈ្មោះ ទួន តារា ភេទប្រុស និង៥,ឈ្មោះ ម៉ៅ សុវណ្ណហៃ ភេទប្រុស ។
ប្រតិបត្តិការនេះធ្វើឡើងក្រោមការសម្របសម្រួលពីព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ ដោយអនុវត្តតាមបទបញ្ជារបស់នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ឯក ប៊ុន ប៉ាម៉ារីលុច អគ្គស្នងការរងទទួលដឹកនាំមន្ទីរប្រឆាំង បទល្មើសគ្រឿងញៀន និងលោកឧត្តមសេនីយ៍ឯក ព្រុំ សន្ធរ អគ្គស្នងការរងទទួលសហការដឹកនាំមន្ទីរប្រឆាំងគ្រឿនញៀន និងការដឹកនាំបញ្ជាផ្ទាល់ដោយលោកឧត្តមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀន សហការជាមួយកម្លាំងជំនាញ នៃស្នងការដ្ឋាននគរបាលរាជធានីភ្នំពេញ ៕
ចែករំលែកព័តមាននេះ