អ៊ីរ៉ង់-អាមេរិក ៖ ប្រធានាធិបតីអាមេរិកលោកដូណាល់ត្រាំ កាលពីថ្ងៃទី២៣ កុម្ភៈ បានបដិសេធបណ្ដាអត្ថបទសារព័ត៌មានដែលថា នាយសេនាធិការកងទ័ពអាមេរិក ឧត្ដមសេនីយ DAN CAINE…
អ៊ីរ៉ង់-អាមេរិក ៖ ប្រធានាធិបតីអាមេរិកលោកដូណាល់ត្រាំ កាលពីថ្ងៃទី២៣ កុម្ភៈ បានបដិសេធបណ្ដាអត្ថបទសារព័ត៌មានដែលថា នាយសេនាធិការកងទ័ពអាមេរិក ឧត្ដមសេនីយ DAN CAINE បានព្រមានប្រឆាំងអន្តរាគមន៍យោធាទ្រង់ទ្រាយធំនៅអ៊ីរ៉ង់ ។
តាមបណ្ដាញសង្គមTRUTH SOCIAL លោកត្រាំសរសេរថា ឧត្ដមសេនីយDAN CAINE ក៏ដូចជាយើងទាំងអស់គ្នាដែរ មិនចង់ឲ្យមានសង្គ្រាមមួយទេ ប៉ុន្តែប្រសិនបើមានការសម្រេចចិត្តធ្វើអន្តរាគមន៍យោធាប្រឆាំងអ៊ីរ៉ង់ នោះនឹងជាអ្វីដែលងាយឈ្នះបំផុត ។ គឹរូបខ្ញុំជាអ្នកសម្រេច។ ខ្ញុំចង់បានកិច្ចព្រមព្រៀងមួយ តែបើរកកិច្ចព្រមព្រៀងនេះមិនឃើញទេ នោះនឹងជាថ្ងៃដែលខ្មៅបំផុតសម្រាប់ប្រទេសនេះ ។
តាមបណ្ដាសារព័ត៌មានអាមេរិកថា អ្នកទទួលខុសត្រូវយោធាជាន់ខ្ពស់បំផុតនោះ បានព្រមានអាជ្ញាធរពីគ្រោះថ្នាក់នានាដែលកើតមានប្រសិនបើវាយប្រហារអ៊ីរ៉ង់ ។ តាមកាសែតញូវយ៉កថែមថា ឧត្ដមសេនីយDAN CAIN សម្ដែងការបារម្ភប្រាប់ដល់សេតវិមាននិងមន្ទីរប៉ង់តាហ្គោនពីគ្រោះថ្នាក់នានា ដែលអាចកើតមាន ប្រសិនបើវាយប្រហារអ៊ីរ៉ង់ ដូចជាការខ្វះគ្រាប់ និងខ្វះការគាំទ្ររបស់បណ្ដាសម្ព័ន្ធមិត្ត។
បែបនេះ នាំឲ្យបុគ្គលិកយោធាអាមេរិក ត្រូវប្រឈមមុខនឹងគ្រោះថ្នាក់ខ្លាំង។ ចំណែកកាសែតWALL STREET JOURNAL អះអាងថា ឧត្ដមសេនីយ៍ DAN CAIN និងអ្នកទទួលខុសត្រូវមន្ទីរប៉ង់តាហ្គោនដទៃៗទៀតលើកឡើងពីលទ្ធភាពដែលទាហានអាមេរិក និងទាហានសម្ព័ន្ធមិត្តស្លាប់ច្រើន និងការចុះខ្សោយនៃសមត្ថភាពការពារអាកាសរបស់អាមេរិក ។
ចំណែកអ៊ីរ៉ង់វិញ កាលពីថ្ងៃទី២៣ កុម្ភៈ បានព្រមានពីគ្រោះថ្នាក់នៃការរាលដាលជម្លោះហួសពីពំដែនអ៊ីរ៉ង់ ក្នុងករណីមានការវាយប្រហាររបស់អាមេរិក ៕
ចែករំលែកព័តមាននេះ