បុរសខ្លាំងនៃកម្ពុជាសម្តេចតេជោ ហ៊ុន សែន ប្រធានព្រឹទ្ធសភា បានស្នើឲ្យសិល្បករ និងសិល្បការិនី កម្ពុជាយកចិត្តទុកដាក់លើកាយវិការ និងពាក្យសម្តី ដែលវាអាចប៉ះពាល់អារម្មណ៍ និងវប្បធម៌ក៏ដូចជាប្រពៃណីរបស់សហគមន៍នានា…
បុរសខ្លាំងនៃកម្ពុជាសម្តេចតេជោ ហ៊ុន សែន ប្រធានព្រឹទ្ធសភា បានស្នើឲ្យសិល្បករ និងសិល្បការិនី កម្ពុជាយកចិត្តទុកដាក់លើកាយវិការ និងពាក្យសម្តី ដែលវាអាចប៉ះពាល់អារម្មណ៍ និងវប្បធម៌ក៏ដូចជាប្រពៃណីរបស់សហគមន៍នានា ។
សម្តេចតេជោ បានលើកឡើងនៅលើបណ្តាញសង្គម នៅព្រឹកថ្ងៃទី២៤ ខែកុម្ភៈ ឆ្នាំ២០២៦ថា ក្បែរភ្លឺយប់មិញសម្តេច បានបង្ហោះសារទាក់ទងដល់ពិធីបុកល័ក្តដែលមានតួសម្តែងជាខ្មែរឥស្លាម ។ ឆ្លងកាត់នូវយោបល់របស់បងប្អូនដែលជាខ្មែរឥស្លាមបង្ហាញឱ្យឃើញថា បងប្អូនមិនបានជំទាស់នឹងការសម្ដែងដែលមានតួសម្ដែងជាបងប្អូនខ្មែរឥស្លាមនោះទេ ។
សម្តេចតេជោ បានចែករំលែកបន្តថា អ្វីដែលបងប្អូនមិនសប្បាយចិត្ត គឺពាក្យពេចន៍ និងឥរិយាបថសម្ដែងខ្លះខ្វះការគោរពចំពោះព្រះរបស់ឥស្លាម ទើបធ្វើឱ្យមានប្រតិកម្ម ។
សម្តេចតេជោ បានបញ្ជាក់«រឿងនេះ សូមបងប្អូនគ្រប់ក្រុមសម្ដែងត្រូវតែត្រួតពិនិត្យ និងរៀបចំឡើងវិញទាំងកាយវិការទាំងពាក្យសម្តីនិយាយ» ។
សម្តេចតេជោ បានលើកឡើងថា បងប្អូនឥស្លាមទូទាំងពិភពលោក គោរពខ្លាំងណាស់នូវព្រះអាល់ឡោះ ដូចនេះមិនអាចសម្ដែងប៉ះពាល់បានទេ ។ ដូចនេះបញ្ហានេះ បានចាប់ផ្តើមចេញពីការមិនយល់ពីតួអង្គសម្ដែង ឬក្រុមសម្ដែង ដែលទាមទារនូវការកែតម្រូវជាបន្ទាន់ទាំងពាក្យសម្តី ទាំងកាយវិការ សម្រាប់ការសម្ដែងជៀសវាងឱ្យខាងតែបាននូវពាក្យពេចន៍ ឬកាយវិការខ្វះការគោរពចំពោះបងប្អូនឥស្លាម ។
សម្តេចតេជោ ក៏បានបន្ថែមថា សូមឱ្យស្មារតីសាមគ្គីភាពរវាងជាតិសាសន៍ និងសាសនានៅកម្ពុជាបន្តរីកចម្រើនតទៅមុខទៀត ៕
ចែករំលែកព័តមាននេះ